sudurnes.net
Njarðvík á toppinn eftir sigur í markaleik - Jafnt í Garði - Local Sudurnes
Njarðvíkingar heimsóttu KV í Vesturbæ Reykjavíkur í annari deildinni í kvöld. Leikurinn var svo sannarlega eitthvað fyrir augað, en alls fór knötturinn tólf sinnum inn fyrir marklínur vallarins í 4-6 sigri Njarðvíkinga, tvö mörk voru dæmd af, eitt hjá hvoru liði. Arnar Helgi Magnússon skoraði þrjú marka Njarðvíkur, en auk hans komust á blað þeir Stefán Birgir Jóhannesson, Styrmir Gauti Fjeldsted og Theodór Guðni Halldórsson. Njarðvíkingar eru þar með á toppi deildarinnar með 20 stig eftir 10 umferðir, jafn mörg og Magni sem vermir annað sætið en betra markahlutfall. Víðir tók á móti Aftureldingu á Nesfiskvellinum í Garði. Þar enduðu leikar með jafntefli, 1-1. Aleksandar Stojkovic kom heimamönnum yfir eftir um hálftíma leik en gestirnir náðu að jafna leikinn um tíu mínútum síðar og þar við sat. Víðir er í 5. sæti deildarinnar, aðeins fjórum stigum á eftir toppliði Njarðvíkur með 16 stig. Meira frá SuðurnesjumBorgunarbikarinn: Grindavík og Víðir áfram – Keflavík úr leikVíðir á toppi þriðju deildar eftir stórsigur – Reynir og Þróttur töpuðuNjarðvíkingar nálgast Inkasso – Hogg með tvö mörk í öruggum sigri á VestraÞróttur í úrslit fótbolta.net mótsins eftir sigur á VíðiNjarðvík hélt toppsætinu – Víðir í sjöunda eftir tap á GrenivíkIngvar á góðu róli í Danmörku – Á toppnum og [...]