sudurnes.net
Fimm eiga möguleika á 100.000 króna styrk til að skemmta öðrum - Local Sudurnes
Þeir sem hafa áhuga á að standa fyrir viðburði, uppákomu, tónleikum, námskeiði, smiðju eða einhverju öðru skemmtilegu á Ljósanótt geta sótt um styrk til verkefnisins upp á 100.000 krónur. Menningarráð Reykjanesbæjar býður einstaklingum eða hópum fimm 100.000 króna styrki fyrir framkvæmd á vel útfærðum og góðum hugmyndum að viðburðum fyrir gesti Ljósanætur. Skilyrði er að verkefnin séu framkvæmd af styrkþegum sjálfum (þ.e. að styrkir séu ekki nýttir til kaupa á utanaðkomandi atriðum) og að þau séu í þágu íbúa og gesta á Ljósanótt. Styrkurinn er hugsaður til að greiða fyrir kostnað við framkvæmd viðburðar og er greiddur eftir að viðburður hefur farið fram. Suðurnes.net greindi frá því á dögunum að Menningarráð ætti auka milljón krónur í sjóði, en rætt var um milljónina á fundi ráðsins og í kjölfarið var ákvörðun tekin um að 500.000 krónum verði úthlutað í menningartengd grasrótarverkefni á Ljósanótt þar sem bæjarbúar skemmta bæjarbúum. Umsóknir skulu sendar á netfangið ljosanott@ljosanott.is fyrir 12. ágúst. Fram þarf að koma: Lýsing á fyrirhuguðu verkefni Útfærsla á framkvæmd (hvar, hvenær og fyrir hverja verkefnið er hugsað) Gróf kostnaðaráætlun Upphæð styrkumsóknar Umsóknarfrestur er til 12. ágúst og úthlutun liggur fyrir 19. ágúst. Meira frá SuðurnesjumSamfélagssjóður Isavia styrkir fjölda góðgerðarmálaGarðbúar rokkuðu feitt í Eldborgarsal HörpuStefnir [...]