travel.meethk.com
[大阪自由行] 捷星日本 Jetstar Japan 香港飛大阪航線初體驗 + 深夜抵達交通
有無發現近幾年身邊越黎越多朋友去大阪呢?其中一個原因相信係廉航既出現!加上廉航不時推出各式各樣既優惠(差唔多每一兩星期就有一次),令到大家都蠢蠢欲動想飛返一轉(我都唔例外)… 提到日本廉航,不得不提捷星日本(Jetstar Japan),捷星日本係2月28日正式開辦香港飛大阪航線,開航初期每星期有3班往返航班,暑假旺季更增至每星期最多5班,另外6月1日會開辦埋香港飛東京成田航線 唔少Fans會問捷星香港唔係未有牌咩?點解可以開到香港飛大阪同東京航線?呢兩條線其實係由捷星日本開辦,佢係日本國內最大既廉價航空公司,營運18條航線,飛去日本國內11個航點,香港係佢首個國際航點 講講香港飛大阪既航班時間,去程晚機出發,放工後出發最適合不過,回程係晚機返,時間好靚,到香港唔會勁夜,返到屋企仲有時間休息一下 香港飛大阪航班時間: 去程:GK64 21:25-02:05+1 回程:GK63 17:20-20:15 日期 星期 即日至2015年7月17日 三、五、日 2015年7月18日至8月7日、8月17日至8月31日 一、二、三、四、六 2015年8月8日至8月16日 二、三、六 2015年9月1日至10月24日 二、三、五、日 你或者會問去程凌晨兩點先到大阪,仲有無車可以出市區又或者機場附近有咩酒店呢? 想出市區既話,大家可以選擇坐凌晨巴士或者等到接近早上6點坐首班JR或南海電鐵。另外由4月25日開始,仲會加開一班早上五點開出既巴士(單程1,550円) 酒店方面,大家可以考慮離機場五分鐘路程既關西機場日航飯店(Hotel Nikko Kansai Airport) Agoda:http://www.agoda.com/zh-hk/hotel-nikko-kansai-airport/hotel/osaka-jp.html Expedia:http://www.expedia.com.hk/Osaka-Hotels-Hotel-Nikko-Kansai-Airport.h34536.Hotel-Information 又或者關西機場華盛頓飯店(Kansai Airport Washington Hotel),酒店有提供免費shuttle bus,約10分鐘車程 Agoda:http://www.agoda.com/zh-hk/kansai-airport-washington-hotel/hotel/osaka-jp.html Expedia: http://www.expedia.com.hk/Osaka-Hotels-Kansai-Airport-Washington-Hotel.h1742760.Hotel-Information 先同大家回顧一下呢條航線之前做過既一些Promotion 抵呀!開搶啦!新航線!大阪飛香港單程只需599円 – Jetstar Japan (優惠至12月8日) 開賣啦!大阪飛香港單程只需4,590円…