connie-hk.com
[深水埗] 公和荳品廠 ‧ 人流不斷的深水埗地標,傳承百年的手工豆製品
咁岩要去深水埗電腦城,飯前小食就去試下有百多年歷史既「公和」,據說「公和」出名自家豆製產品,用上加拿大非基因改造豆,確保質素。 店子的外觀充滿著老店的感覺,六點幾人流真係好多,阿姐頻頻煎豆腐賣豆腐,店子都有不少豆類製品賣,好似腐皮、嚮鈴、枝竹,當然不少得豆腐豆漿豆卜等,因為人太多只簡略拍一下門面好了。本身想堂座又滿座,好彩原來仲有得上樓坐! 上樓的地方放了三四張檯,會有店員上黎同客人落單,客人通常都係快快食完就離座。 餐牌上的豆製品有豆漿、豆腐花、煎釀豆卜、黃金魚腐和煎釀豆腐 (三款煎釀都想試的可以來一客三拼都係$14)。 另外仲有腸粉、燒賣魚蛋、炒麵炒米,牛肉球等,醬汁黃糖都放晒係檯自己落的。
糖小妹搵食軼事