معرفش ليه جه علي بالي دلوقتي تتر مسلسل "خطوط حمراء" بتاع محمد فؤاد قولت اسمعه، وفي نفس الوقت كنت بقرأ الكومنتس زي العادة، لقيت واحد كاتب: "بحب محمد فؤاد ونفسي أنام معاه".
كل مرة بحس ان كومنتس الناس علي اغاني ساوند كلاود ويوتيوب كنز لا يفنى ويستحدث من العدم، ضحك خام ❤️.
مبقتش بضايق من موضوع إن حد يكلمني عشان محتاج طلب، او عايز يقضي مصلحة، بس برضو بعملها مزاجي.
واقف بعمل شوفان لقيت وشي عرقان اوي، دخلت غسلت ونشفته، وبعدين رجعت أكمل اللي كنت بعمله، حسيت بحرقة شديدة في عيني، وانطفت شمعة حماسي فجأة، يارب ما يكون اكتئاب، عشان اللحظات دي صعبة وتقيلة أوي علي قلبي.
المجتمع بقي مخبوط في معاييره، وبيتأرجح بين نقيضين، ناس علي تويتر بتتكلم عن البز الفلاحي، وناس علي فيسبوك بتتكلم عن مندوب اللبس الشرعي.
فين المواقف العابرة والتافهة؟ فين المواضيع اللي شبهنا وشبه حياتنا؟ طب متي ترعرع في وداينا الطيب هذا العبث؟
ريقي بيجري علي السجاير بقاله أسبوعين، العلوقية بتقولي سيجارة يا أخي مش هتضر وكدا كدا انت بطلت، بس ضميري واجعني، يارب ثبتني.
واحدة علي فيسبوك منزلة بوست إن في مندوب شحن بص في الاوردر بتاعها عشان يعرف إذا كان فيه محرمات ولا لأ، وكمان اكتشف ان في ديفوه في الاوردر فرجع للبائع عشان يعرفه الديفوه واتضح إن البائع والمشتري علي علم، ولذلك هو مُباع بسعر مخفض.
المشكلة مش هنا، المشكلة إن ليه مندوب يفتح الاوردر ويبص فيه؟ فين الخصوصية؟ هل منطقي يفتش في الاوردر لحد ما يلقي ديفوه؟ ولما هو خايف يوصل حاجة من المحرمات شغال مندوب توصيل ليه؟ وياتري ايه مفهوم المحرمات بالنسبة له؟ افرض واحدة عاملة اوردر سنتيانات وكلوتات يا أخي؟ ستكون الفتنة ولا شك.
اللي يدعو للعجب أكتر هو حفاوة صاحبة البوست بالمندوب وانها بتروج له وبتشهد بمصداقيته، ومش حاطة في الحسبان خالص إنه داس علي وش خصوصيتها، والأدهي من كدا كومنتس الناس عندها، كلها عبارة عن بسم الله ماشاء الله، الخلوق، ربنا يحفظه، من ناس اسمائها رحيق الجنة، وفراشات الأحبة، والأسامي المدهننة دي اللي ريحتها مسك، وجلاليب بيضا مغسولة بتايد.
حاجة في منتهي اللزوجة، تخيل واحدة تشتري أوردر، وتبقي موافقة، وجوزها موافق، بس المندوب مش موافق، أعبث من أحلام نومة العصر.
انتي هتلبسي الهدوم دي فين يا معرثة جوا البيت ولا برا؟ 😡
واحدة علي فيسبوك منزلة بوست إن في مندوب شحن بص في الاوردر بتاعها عشان يعرف إذا كان فيه محرمات ولا لأ، وكمان اكتشف ان في ديفوه في الاوردر فرجع للبائع عشان يعرفه الديفوه واتضح إن البائع والمشتري علي علم، ولذلك هو مُباع بسعر مخفض.
المشكلة مش هنا، المشكلة إن ليه مندوب يفتح الاوردر ويبص فيه؟ فين الخصوصية؟ هل منطقي يفتش في الاوردر لحد ما يلقي ديفوه؟ ولما هو خايف يوصل حاجة من المحرمات شغال مندوب توصيل ليه؟ وياتري ايه مفهوم المحرمات بالنسبة له؟ افرض واحدة عاملة اوردر سنتيانات وكلوتات يا أخي؟ ستكون الفتنة ولا شك.
اللي يدعو للعجب أكتر هو حفاوة صاحبة البوست بالمندوب وانها بتروج له وبتشهد بمصداقيته، ومش حاطة في الحسبان خالص إنه داس علي وش خصوصيتها، والأدهي من كدا كومنتس الناس عندها، كلها عبارة عن بسم الله ماشاء الله، الخلوق، ربنا يحفظه، من ناس اسمائها رحيق الجنة، وفراشات الأحبة، والأسامي المدهننة دي اللي ريحتها مسك، وجلاليب بيضا مغسولة بتايد.
حاجة في منتهي اللزوجة، تخيل واحدة تشتري أوردر، وتبقي موافقة، وجوزها موافق، بس المندوب مش موافق، أعبث من أحلام نومة العصر.
بتبضن من الناس اللي بتتغير عليك او تبعد عنك لأي سبب، وبعدين ترجع وتبقي عايزة تتعامل معاك عادي، وبصراحة انا من الناس دي عشان كدا بتبضن من نفسي دايما 🤡
وسكاكين في القلب ماسكين
عيني يا قلبي يا مسكين
جرحي مبيعرفش تسكين
ومتمكن مني تمكين
يمكن رجعني ليك
طولة تفكيري فيك
او خوف وانا مش معاك
او خوف من الناس عليك
خلصت تو سيزون من "بريكينغ باد" في وقت قصير، وحاسس إن دا إنجاز كبير يستحق إني اتكلم عنه بما إني شخص بطئ جدًا في مشاهدة المسلسلات بالذات، والحقيقة المسلسل جميل ويشد، وبيلعب علي وتر الدراما اللي بحبه.
حبيت شخصية فلين، الممثل أقنعني تمامًا إن عنده إعاقة، بالذات طريقة نطقه للحروف ومخارج الألفاظ، وكانت قمة الدراما لما عمل الموقع لرغبته الصادقة في مساعدة أبوه والتر. وحبيت قوة سكايلر وشخصيتها المتينة وراء كل الأحداث دي، من ظروف حمل، لمرض زوجها، لعجز إبنها، في أكتر من موقف كانت بتتأكد قدامك مقولة "لا تخشي الإرتباط بإمرأة قوية، قد يأتي يوم وتكون هي جيشك الوحيد".
كمان شخصية جيسي بينكمان درامية بإمتياز، علي قد ما فيها من ضعف وتخبط وسذاجة في أوقات كتير، لكن لو بصيت لها بعمق هتدرك دا، بداية من نبذ عيلته له وتفضيلها لأخوه الصغير، وحتي موت جاين -البنت اللي إتعلق بيها- بطريقة مأساوية، وهي جنبه علي السرير.
بس تظل شخصية والتر هي المتحكمة في الأحداث، علي قد كل الأفعال اللي بيعملها دي، لكن دايمًا هتحس إن قلبك معاه، متفهم لدوافعه كلها، هو الفيلان اللي صعب تكرهه، هتتخلي عن كل مبادئك وتناصره، ماشي معاه في نفس الرحلة، بتحس بإرهاقه لما يطبخ الميث، وبتستني يبيعها بفارغ الصبر، لحد ما يستلم الفلوس، ساعتها هتحس إنك عايز تتنفس بعمق، زيّه بالظبط.
وفي الوقت المناسب جدًا ظهرت شخصية "سول غودمان" عشان يقنن الموقف دا كله، ويكون بمثابة الإستراحة والنفس اللي بيستمد منه والتر وايت قوته.
سيزون تو في النهاية بيدي إشارات إن سبب التعاطف الأكبر مع شخصية والتر وايت -وهو إصابته بالسرطان- بينزوي وبيبدأ يخف، ياتري لو خف هيفضل يسلك نفس الطريق؟ وياتري لو كمل هحس بنفس التعاطف معاه؟ خلينا نشوف.
من كتر الإرهاق قولت هغمض خمس دقايق علي المكتب، ببص في الساعة لقيتني نمت ساعة ونص 🤡.
من المفارقات ان الاسبوع اللي فات كنت بحقق مع عاملة إنتاج نامت ١٧ دقيقة لظرف مرضي، بس رصدتها الكاميرات لحظها العاثر، فخدت جزاء.
عايز أحقق معايا وأبهدلني.
