pormahan

Pumorma ng naaayon sa katauhan.

2012 na, at oo nga naman, uso na ang pormahan. Pero marami ng nakakalimot sa'ting mga tao, na ang pag-porma ay hindi lamang basta bumibili ka ng isang damit, sapatos, tsinelas, short, pantalon, dahil uso. Hindi tayo pumoporma dahil gusto natin maging in, kundi kailangan natin pumorma dahil kailangan natin magmukhang maayos. Hindi ko naman sinasabing, ‘wag tayong sumunod sa uso, pero ang akin lang, ibagay naman natin sa kung sino at ano ang kalagayan mo.

Puporma ka ng nakapang-dancer, eh 'yung pala, parehon kaliwa ang paa mo. Puporma ka ng pang-skater, eh 'yun pala, kahit tumuntong lang ng skateboard, 'di mo kaya. 'Yan ang sinasabi ko, tsong, galingan mo din ang pagpili ng bibilhing damit, 'di 'yung bili dahil “IN”, at dahil “OUT” na 'yung dati mong style. So what kung out? At least komportable ka pa rin.

Kung papasok sa opisina, edi iayon ang suot, magsuot ng pang-opisina. Papasok sa eskwela? Edi mag uniporme. Tatambay sa kanto? Edi magsuot ng simple. Hindi naman kailangan laging magarbo ang pormahan e, 'di ba? Tandaan mo lang na hindi ka lang dapat magmukhang tanga.

Kung magsisimba, magsuot ng maayos, pormal. Hindi 'yung ginawagawa n'yong parke 'yung simbahan, respetuhin n'yo, gusto n'yo 'yan 'diba? 

Sa mga babae, kung ayaw mabastos, 'wag magsuot ng maiikli na parang kulang sa tela kaya ganun lang kahaba ang kinalabasan. Tapos, kapag sinisitsitan na, nagagalit. Hay. Nakakatawa pa kapag na jeep o sa mga fast food. Hila sila ng hila sa mga pekpek short nila dahil sa sobrang igsi, eh nagsuot ka pa ng ganyan kung babatakin mo ng babatakin pababa.

Sa mga lalake, mga tol, kung pupunta naman ng mall, 'wag naman kayo magsando. Parang-awa n'yo na, disturbing din kasi makakita ng mga buhok. Uhm. 'Di ba? Malamig na sa mall, naka sando pa. At saka, pambahay lang 'yon, 'wag mo na ilabas. Parang brief lang 'yan. Kung magsasando ka lang rin sa mga mall, bakit 'di mo na ternuhan ng brief na nakalabas din? O 'di kaya, mag-boxer ka?

Sa totoo lang, ayoko ilagay ang litratong nasa itaas. Pero sang-ayon naman ako. Sino ba naman ang matutuwa sa mga ganyang porma? Nagmukha ka bang astig? Nagmukha ka bang presentable? Hindi 'di ba? Ang init, long socks, mahahabang damit. Iayon natin mga p’re, 'wag tayong basta porma lang ng porma.

Para sa'kin ang pag-porma ay hindi lang simpleng pagdadamit sa sarili. Ang pag-porma ay para i-express ang sarili, in a nice way. Hindi 'yung mukha kang gago sa daan. Tandaan na ang respeto ay naaani at nagsisimula sa sarili. Paano ka rerespetuhin kung ang itsura mo kagago-gago? 

Ulit-ulitin man natin, kahit nasa makabagong panahon na tayo, kung saan tayo mas komportable na suot, dun tayo. 'Wag tayong sunod ng sunod sa uso, 'di naman nakamamatay kung 'di ka susunod sa uso. Kontrol lang. Kontrol. Porma ng maayos at makakamit ang kagandahan ng pagkatao. Tapos.