pa mase

February 14: Araw ng Sabado

Ano bang mayroon kapag February 14? Bakit ang daming excited sa araw na ‘to? Anong mayroon, eh simple at ordinaryong Sabado lang naman to?

Bitter.

Sabi nga ni Jennylyn Mercado sa English, Only Please,

“Oo na! Ako na! Ako na ang mag-isa!” 

Kanina paggising ko, tumingin agad ako sa Cellphone ko. Pagkakita ko napaisip agad ako, “Syet. February 14 pala ngayon! Araw ng Sabado. Sino bang may birthday ngayon? Wala naman ata. Bukod sa may exam ako ngayon, wala ng meron ngayong araw na to.”

Kahit saan ka banda tumingin, wala kang makikita kundi yung ikakasira ng mata mo. Ikakasira ng umaga mo. At yung ikakasira ng puso mo.

Habang naglalakad ka, may taong nasa harapan mo, naglalakad sila ng kasama niya. Magka-holding hands. Sweet. Nag-aasaran. Ang sarap lang nila itulak dahil ang bagal-bagal nila maglakad akala mo nasa buwan. Tapos yung hawak ng babae sa kamay niya ay yung flowers na kulay red na mas matingkad pa sa lipstick niya. Samantalang ikaw, hawak-hawak mo yung yellow pad, naglalaman ng reviewer mo dahil may exam ka pa mamaya. At sa kabilang kamay mo naman, nakapasok to sa bulsa mo. Hinahawak-hawakan ang wallet. Pinipisil-pisil to habang sinasabi sa isip na, “Buti na lang wala akong lovelife, sayang ang pera pambili ng flowers noh!. Hmp!" 

Nung sumakay ka sa Jeep, nagsi-tinginan ang lahat sayo dahil nagtataka sila na bakit ikaw lang mag-isa sumakay, iniisip nila tuloy na wala kang lovelife. Agad-agad? Judgmental nila masyado noh? Eh kumusta naman yung dalawang taong nasa dulo ng Jeep. Nagtatago pa sila ng palihim eh kahit di ka tumingin sa kanila, kahit na sa mukha ka pa ng driver tumingin, mase-sense ng mata mo ang pinaggagawa nila sa Jeep. Hindi ka chismosa, concerned ka lang sa mga batang nasa Jeep. Kulang nalang ibigay mo sa kanila yung calling card ng motel na naitago mo pa sa bag mo. Sabay sabi, "Hindi na kayo nakakatuwa! Ang bababoy niyo! Mapagsarili kayo! Pasali naman oh? Hihi.”

Pagka-order mo sa Mcdo ng french fries, naghahanap ka na ng mauupuan. Dahil February 14 ngayon, lahat ng upuan na pangdalawahang tao, naoccupy na. Kaya naman ikaw, umupo ka nalang dun sa upuan na pang-apatan. Iniisip mo nalang na hindi ka sanay sa maliit na table. Gusto mo ng malaki, dahil madami kang inorder. Madaming inorder para lang sa sarili mo. Pake nila, gutom ka eh! Pagkatingin mo naman sa gilid, nagsusubuan sila ng french fries. Samantalang ikaw, sinusubuan mo yung sarili mo. Wala eh, pinalaki ka kayang independent ng magulang mo. At saka, naisip mong kung may lovelife ka, may makikihati pa sa french fries mo. P28.00 na kaya ang regular french fries, ang mahal mahal kaya buti sana kung libre, diba.

Pero sympre, bitter ka lang.

Minsan mapapasabi ka nalang nang, “Hayy. Buti pa tong tigyawat ko, pulang pula. Halatang umiibig. At infairness, dumadami sila. Samantalang ako, forever single. Huhu." 

Hi sa mga Single dyan! Huwag mong isipin na panget ka, kahit totoo man yun. Dadating din ang forever mo, kahit wala non. Wag kang susuko at maniwala ka lang sa salitang "tiwala” At sympre, tuloy-tuloy ka lang sa pagpe-flames ng name mo sa crush mo. Malay mo totoo yung kakalabasan nun. Sa ngayon, itulog mo nalang yan. Isang araw lang naman yang February 14 na yan.

Hayaan mo, maghihiwalay din sila. Di sila bagay noh! Chot!