literalture

submitted by @literalture

Ang Tatlong tunog ng kampana….

Kling… Kling… Kling…

Sanay tama sa lahat ng makakarinig.

Mula sa simboryong inukit ng pananalig

Sa kristyanismo ito’y maririnig.

Una sa tatlong tunog,

Ako’y tiyak na isang musmos.

Mula sa agua-benditang pinahid

Katauhan ko’y pinapalawig.

Kasama, karama’y

Magulang kong sa aki’y tumataglay.

Ikalawang tunog ay narinig

Dekadang taon ang sinapit.

Mula sa isang puting damit,

Paghihintay sa altar ay tila nakakangawit.

Itong pangalawa

Pagmamahal nama’y hindi sa magulang,

Kundi sa katipang makakasama,

Panghabambuhay.

Oh! Itong panghuli,

Nakakalungkot ang sinapit.

Mula sa biyaya ng Panginoon na buhay

Ngayon, sya’y makakapiling.

Mula sa naunang dalawang kalembang

Pagmamahal mula kila magulang at asawa’y natunghayan

Ngayon naman aking nasaksihan

Ang mga taong itinuturing akong kaibigan.

Ngayon aking naunawaan

Ang kaswertehang taglay

sa akin pala ay masaya

Marami sa aking nagmamahl.

Ito’y isang pasasalamat

Mula sa poong lumikha.

Salamat sa pagpapamulat

Sa pagtanto ng kabuluhan ng buhay

Sa kristyanismo ito’y maririnig,

Mula sa simboryong inukit ng pananalig.

Sanay tama sa lahat ng makakarinig.

Kling… Kling… Kling…

Ang Tatlong tunog ng kampana….

dayalogo asked:

inlove. :(

Inlove? Matagal na. Lalo ngang nagiging inspirado akong magsulat kapag inlove, nakakataba pa ito ng puso, Ginoo. Pero sa araw-araw kong pagsusulat, nauubusan na nga ako ng salita tulad ng sinabi ko kanina, wala nang mahukay sa baul na tutugma sa tunay kong nadarama. Yun nalang siguro dahilan sa pagblanko ng utak.

Eh, wala nang tamang salita na magpapaliwanag ng nadarama ko ngayon. Hindi ata sapat. Hindi na talaga. Hahahaha. /problema ng binibini, hindi sa inspirasyon isinisisi.