it sa trap

Mga uri ng relasyon.

Boy lang nag e-effort Relationship: Eto yung mga na taken for granted na lalake. Maaaring hindi ganung ka taken for granted pero malapit na dun. Sila yung gumagawa ng paraan para sa relasyon nila. Tipong sila na lang palagi. Eto yung mga “Boyfriend Material” at normal naman talaga dapat na ginagawa ng mga soon to be boyfriend na nagkalat sa kapaligiran. Eto yung mga lalakeng susunduin ka at ihahatid kapag magkasama kayong dalawa. Minsan may mga hinahatid at sundo na na mga girls pero wala lang sa kanila to know na pinapangarap din ito ng ibang babae na gawin ito ng boylet nila. Masasabi nating ang mga Boy lang nag eeffort relationship eh yung mga lalakeng sobrang under o kaya naman eh sobrang chicks ng GF. Takot mawala eh, so gagawin lahat para sa kanila. Tapos ang karelasyon eh yung mga matatapang at mapaparide na babae. Syempre. Alam na gustong gusto sila nung lalake. Edi magmamaganda sila.

Girl lang nag e-effort Relationship:  Syempre pwede ba namang lalake lang ang may problema? Syempre ang mga babae din! Eto yung mga babaeng napasubo. Ooops! Yung utak! Ibang napasubo ang ibig kong sabihin. Eto yung mga umamin tapos sakay naman agad itong si Boy. Pasok agad sa relasyon. Tapos lately lang nalaman na infatuation lang pala ito. Eto yung mga babaeng masarap isalba sa mga coupal na Lalake eh. Eto yung mga babaeng halos makagawa na ng nobela sa libro sa mga Social Networking Sites sa dami ng hinaing nila sa mga boylet nila. Alam niyo yung walang wala na pero umaasa pa rin sila na maaayos pa? Sila yung mga babaeng habol ng habol pero hindi nila alam na wala na silang hinahabol. Isang diretsong daan na walang finish line. Tipong sila yung anino at hinahabol nila eh yung sarili nila. Sila din yung mga babaeng wala ng ginawa kundi umiyak sa relasyon. At isang sorry lang ng boylet nila eh ok na ulit sila. Paano akala nila magiging ok na ulit lahat dun. Pero hindi nila alam good for some days lang ang lambing na iyon. Then back to the ball game ulit! Malungkot na ulit!

DOTA/LOL/HoN o AKO Relationship: Hah! Eto naman yung mga lalakeng puro DOTA ang ginawa at halos syotain na ang Computer habang nag hihintay ang girlfriend nila. At eto namang mga girlfriend eh patuloy na nagseselos sa DOTA kahit na hindi naman dapat pagselosan. Pero syempre ang selos na ito ay in a way na gusto lang naman nila makausap ang boylet nila. May mga ibang relasyon na swerte dahil parehas silang naglalaro at ayun ang past time nilang dalawa. Kumbaga ayun yung pinaka date nila as a couple. Pero paano nga naman kung hindi naglalaro si Girl? Paano na? Edi paranoid na lagi? Minsan may natanong akong babae na hindi naglalaro ng Computer Games pero sobrang maglaro ang Boyfriend niya. Ang sabi niya sakin “Ok na yun, kesa naman mambabae siya”. Kumbaga nasa tao na lang talaga paano niya iintindihin. As long siguro na kontrolado ng lalake ang oras niya walang problemang maglaro. Ganito lang ka simple yun eh. Kung gusto mo lagi maglaro ng Computer Games at wala kang oras sa relasyon mo. Then stay single. Hindi naman laruan ang babae na tska mo lang gagalawin kapag trip mo. Babae yan pre. Minamahal at Inaalagaan. Sige ka, kapag ayan na first blood ng iba. Ikaw den. 

Almost there kind of Relationship: Alam mo yung natatanaw mo na pero hindi mo maabot? Tulad ng Ulap. Napaka ganda diba? Parang gusto mong hawakan. Yun bang parang kaya mo itong abutin pero hindi mo naman talaga maaabot? Eto yung relasyon na parang panaginip. Eto yung relasyon na HINDI PA KAYO. Ok? HINDI PA KAYO. Ayan isa pa ulet. Eto yung halos nagawa niyo na lahat. Kaso trapped siya sa nakaraan niya. So hindi siya makapag decide kung babalik ba siya o ikaw ang pipiliin niya. Eto yung relasyon na hinihiling ng lahat “without the PAST Part” eto yung almost perfect na relasyon dahil nag eeffort yung lalake at yung babae.

Kaso syempre, magaling si GOD eh. Hindi pwedeng masaya palagi. Kailangan balanse. Kailangan may problema lagi para maging mas ok ang relasyon. Ang mahirap kasi sa ganitong relasyon. Anytime pwedeng mawala ang isa. Anytime pwedeng bumalik sa EX niya. Yun naman ang kinakatakot ng mga nasa ganitong klase ng relasyon eh. Pero astig kasi eh. Holding hands? Kiss? Yakap? San ka pa? Matatawag mo bang pagkakaibigan yun? Kumbaga andun na eh. Nasa tuktok na eh. Pero wala pa yung flag para malaman na nakarating na kayo dun. Parang Mutual Understanding ito na may twist eh. Kasi madalas ang Mutual Understanding eh wala ng involved na nakaraan eh. Kaso eto meron. So automatic sa ganitong sitwasyon may karibal ka. Eto yung mga hihilingin mo na sana kayo na agad eh. Tipong puno kayo ng pangarap pero wala eh. Anong magagawa niyo? Trapped yung isa eh? Kahit na anong gawin mong tulong. Matindi ang bakod na iniwan ng nakaraan. Kaya todo effort ang isa’t-isa. 

Praning Type of Relationship: Eto naman ang mag syotang bihira magtagal. Paano paranoid ang isa’t-isa. Like WTF? Nag relasyon pa kayo kung wala kayong tiwala sa isa’t-isa. Lahat na lang pinagselosan.

  • Hinawakan ang aso, Gusto kamay lang niya hinahawakan.
  • Tumawag na busy ang phone pero ang kausap mo magulang lang.
  • Kasama ang pinsan,.
  • Kasama ang mga kaibigan,
  • Kulang na lang pati kapatid pagselosan.

Yun bang kapag hindi ka nagreply agad eh kung ano na iisipin. Kunwari kumain ka. Tapos mga 15 minutes kang nawala. Tapos kung ano ano ng text ang matatanggap mo. Tipong sino kausap mo? Nakikipaglandian ka na naman sa iba?! O kaya naman eh ANDAMI MO NA NAMANG KATEXT!! Mga ganyang klase ng text for example.

Eh huwag mo din naman kasi hayaang ma paranoid. Gawin mo din ang part mo na magpaalam. Kung alam lang naman niya kasi agad ang ginawa mo edi hindi siya magdududa. Pero parang ang panget ng ganitong relasyon diba? Kaya kumakalas agad yung iba. Sino ba naman pumasok sa relasyon para ma stress? Mas mabuti na ngang tapusin kesa naman magtagal sa relasyon na puno ng pagdududa. 

Matanong kita.

Masasabi mo bang relasyon ang isang relasyon kung isa lang gumagawa ng paraan para maayos ito? Masasabi bang relasyon ang isang relasyon kung  isa lang ang nagmamahal? Palagi na lang may nagkakasakitan? Tulad nga ng sabi ko dati ang relasyon eh ginagawa ng dalawang taong nagmamahalan. Pumasok kayo sa relasyon dahil gusto niyong i commit ang sarili niyo sa isa’t-isa. Hindi katulong yang mga yan. Hindi for hire. Hindi yan dumating sa buhay mo para pagsilbihan ka lang. Gawin mo rin part mo. Two sided dapat lagi. At never magiging one sided. Alagaan ang isa’t-isa. Tandaan na masarap magmahal. Sobrang sarap.

Best New Year’s Resolution siguro eh iwanan mo lahat ng problema ngayong taon. Yung mga imposible eh hayaan mo na lang maging imposible. Tanggapin na lang na hindi porket gusto mo eh yun na dapat ang ilaan sayo. Para magsimulang maganda ang taon mo. Kahit mahirap. Dapat kayanin. Kasi no choice ka eh. Minsan kailangan ikaw ang maging matapang para lahat kayo nakakagalaw na sa huli. Ang hirap nung pakiramdam na trap ka sa kalungkutan. Kung hindi niya kayang panindigan ang isang desisyon. Ikaw na lang ang maging malakas para sa kanila. Tutal ikaw nalang ang nakakaintindi eh.