eman adel

في أي شئ تري الجمال؟

sarsooora : بشوفه من اول ما بصحى الصبح في ماما وهي جايبالي الفطار ❤ و بعدين في صلاة الصبح ^ ^ و نشاط بابايا واخويا وهما نازلين الشغل كل يوم من غير ملل برغم تعبهم فيه ومنه ^ ^ وفي الشجر اللي في الشارع اول ما بنزل من البيت و صوت العصافير و شكل السحاب :)) طنط اللي بتبيع خضار ع الرصيف 

saraahsamir : سما، بحر، بالية، شعر، رسم، الوان، بسمة، ورد

shimoashour : ارى الجمال فى الكتب اللى بقرأها كل يوم بيومه من غير ملل فى السحاب وقت الشروق وكمان وقت الغروب شئ خيالى ورائع فى المطر فى صوت العصافير وقت الصبح فى امى ورسمة ملامحها فى ولاد اخواتى الصغيرين وبرائتهم فى كل نعمة من نعم ربنا الحمدلله

muhammad-wahba : من غير اجابة عميقة بلاقيه في البساطة والتلقائية وف الناس اللي ضميرها
ف حالة نجديد دايما وف الناس اللي بتفكر الف مرة قبل ماتتكلم في السياسة

blabber-oma : في الموسيقى ، و الضحكة ، و البحر و صوته ، وكل حاجة ح تكون جميلة مادامت االنفس هادئة وتعيش سلام نفسي داخلي

cykoobaty : يوجد جمال يرى وجمال لا يرى
الاول انتا مش بتملكة دايمُا ُ 
التانى ربنا بيرمى جواك حاجات  محدش بيحس بحلوتها غير واحد لمسة ربنا بتعلم ف قلبة 
كل الحاجات الحلوة بجد غير ملموسة 
وعشان كدة الجمال يكمن ب الداخل 
انا ساعات بقعد ابرق ف كلمة ف كتاب واكتبها وافضل  اقولها واردد لحد ما احفظها صم 
القهوة ب ادمان تتلف الاعصاب ولكن تصنع عالم رائق احيانا 
كل الحاجات الحلوة فيها حبة وجع استحملة وارضا بية 

saroabdelaziz : الجمال موجود في أي شيء بسيط غير متكلّف بداية من سحابة بيضاء حتى أعقد الكائنات خلقاً..طالما غير مضاف إليها تراكيب أو تعقيدات صناعية فهي جميلة. البساطة جمال.

hoboch : أنا رأيى الجمال فى كل حاجه ربنا خلقها وموجود فى حاجات كتييير بسيطه جدا كمان حوالينا .. بس الأهم هو الجمال اللى جوانا هو اللى بيخلينا نشوف الحاجات الحلوة ونصنعها كمان بإدينا .. لكن لو واحد أعوذ بالله من جواه مش هيحس بالجمال ولو كان فى الجنه

h-mahmoud : الجمال فى التفاصيل الصغيره , الضحكه المستخبيه اللى فيها كسوف , لمس الايدين فى تعديه شارع , القلوب لما تحضن بعض و احنا بنحاول منقربش و نحضن بعض فعلاً , الرسايل المستخبيه فى الكلام , الجمال فى ابتسامه الأطفال الصغيره و العواجيز فى الشارع و أنا معرفهمش , الجمال فى الشتا و المطر و أنت بتدعى ربنا و ماشى فى المطر رغم تجميد صوابعك , الجمال فى أنك تعمل حاجه أنت بتحبها و تبدع فيها و متبقاش مغصوب عليها , الجمال فى روح الناس على تمبلر.

alkontesa : سؤال محير ويخليني أوقف عنده مدة طويلة 
الجمال ربما يكون في ابتسامة وسعادة أحبائي بالأخص ومن هم حولي بشكل عام

nouranelgendy : ام كلثوم فى الراديو الساعة 11

klo0o0d : ارى الجمال في عائلتي الله يحفظهم لي يارب

salmiina-looma : ف ديني ، وامي وابويا، ضحكة فريدة، المطر، الهدوء، وف ناس موجدة في حياتي أمثالهم انقرضوا، و في النادي الأهلي.

loliitaa47 : في الموسيقى -صوت رشا رزق بالأخص-.. و في الباليه.. وصوت العصافير من بعد الفجر.. والكيكة اللي صاحبتي بتعملهالي وبتطلع بايظة بس بناكلها واحنا مبسوطين.. و في مية البحر لما تخبط في طراطيف صوابع رجلك وانت واقف عالشط.. و ابتسامة الناس البسيطة رغم ظروفهم.. و في حضن أمي.. و في الناس اللي لسه عندها أمل او بتدور على اي تنتوفة أمل تتشعلق فيها عشان تكمل..

sabahlaleh : في عائلتي .. أحسن شي بحياتي :”) .. الله يخليلي إياهم كلهم بجمعتهم الحلوة بمشاكلهم السخيفة و بكل التفاصيل الصغيرة .. و لﻹنسان أعتقد إنو فهمني بيوم من اﻷيام .. الله يجمعنا كلنا بالجنة سوا .. مع إني يارب ما بستحقها .. يارب نفوتها برحمتك مو بأعمالنا يارب

changablefacts : الجمال يكمن بوجود أمي على رأس من أحب ، وبعائلتي ، وبصديق صادق صدوق وباجتهاد يليه نجاح ، وبرضاك على نفسك من كل النواحي وطبعاكل هالامور تكلل برضى ربي .

oaeoi : ارى الجمال في سجدة و دمعة في جوف الليل
ارىَ الجمال في قبلة لي قدمين الوالدين
ارىَ الجمال في ابتسامة مُسن 
ارىَ الجمال في عينين طفل
ارىَ الجمال في تسبيح طير 
ارىَ الجمال في كُل شيء

nada-3arfa : الجمال بشوفه في عائلتي ، ماما لما تطمن عليا ، في الصحاب لما نتقابل بعد غيبة ، في ضحكة طفل ما تعرفوش ، صوت الست ، الجمال كله لما تضرع لربنا في السجود و ربنا يطمنك بعدها و طول ما البني ادم روحه حلوة و جميلة ربنا هيحلي في عينه كل حاجة

dmdoma5th : الأشياء العفوية المفاجئة اللي تصحي قلوبنا من غيبوبة وتخليها :) تطير بالسما

mymagicalspace : في ابتسامة في وش أمي.. في صحبة ورد جابوهالي أصحابي في عيد ميلادي.. في طريقة لف بوكيه الورد لما باشتريه لأصحابي.. في أغنية أو مقطوعة موسيقية معمولة بإحساس صادق.. في لوحة رسمها ولد صغير.. في تسريحة الضفيرة أو ديلين الحصان اللي بتعملها الأمهات للبنات الصغيرة

shoshooooo25 : الجمال يكمن في حضور حفلة لعمر خيرت ، وجوه صورة صورتهاوراضية عنها.. والجمال في الرضا بالقليل قبل الكثير :))

fearsandanxieties : بتختلف من يوم لتاني
ف يوم ممكن قمة الجمال تبقى ورقة شجر ف ضي شمس
ف يوم ضحكة طفل
ف يوم تاني بصة ف عيون بحب
في الغالب أنا الجمال عندي حاجات بسيطة، صغيرة أوي، بتلف حوالين أنا مركزة مع إيه ف حياتي ف اللحظة اللي باشوف فيها الجمال دا

hebaao : ممم سؤال صعب ..بس هو الجمال فى كل شىْ من صنع الله .. كل حاجة ربنا خلقها لازم يكون فيها نسبة من الجمال .. الجمال فى الروح الطيبة اللى بطبط على قلوب أخواتها فى الإنسانية ..الجمال فى الأطفال وبرائتهم.. الجمال فى إنك تكون راضى فى أشد المحن.. الجمال إنك تساعد من غير ما تستنى مقابل ..الجمال فى العفو عند المقدرة

eman-adel : أنا عامةّ أرى الجمال فى كل شىء .. حتى القُبح نفسه جواه جمال مخفى بس عن الحاجات اللى تلتفت انتباهى أكثر للجمال .. مثلاُ المطر ،. السماء المُلبدة بالغيوم، الوجوه الشاحبة ،الشجر المُغطى بالجليد .. الكعبة، البحر بالليل،النقد .. روايات جورج إليوت ، شعر سيلفيا بلاس ،اختبار الذكاء .. مُركب h2o .. صوت الآهات فى ave maria .. جزيرة نامى سوم فى كوريا الجنوبية.. مدينة الملكات فى نيوزلاندا .. كشمير .. البولاريس ،الأرقام، وقت الفجر، زهرة التيوليب ،اللون الأسود ، فيروز ،القهوة ، قانون النسبية فى الفيزياء، تجاعيد الوجه، دقات الساعة ،العيون النعسانة، أقلام الفحم، الورق ، تقويم الأسنان، النظارات الطبية، أنامل الأطفال .. ولو هختصر الجمال فى كلمة واحدة هقول “الله” لأنه هو اللى خلق كل جميل

just-hagar : أرى الجمال في كل ما خلق الله من نباتات و حيوانات و بشر ..فكل كائن جميل بتفاصيله الصغيرة التي خلقها الله له و تحتاج منا تدبر لرؤيتها 
أرى الجمال في التناقضات .. في مبنى قديم أثري بجانب ناطحة سحاب - في طفل بريء يتخبط في مشيه بجانب شيخ كبير بالكاد يستطيع المشي - في تداخل الظل و النور في مشهد أو لوحة
أرى الجمال في الأخلاق النبيلة .. في شخص فقير يتصدق على من هو أفقر منه - في من يساعد غيره دون مقابل - في من يبتسم في وجه من لا يعرفهم ليسعدهم - في من يعطف على حيوان لا حو له و لا قوة ..أرى الجمال في الإبداع .. في مقطوعة موسيقية متفردة - في بيت شعر - في لوحة فنية 
قدرتنا على استشفاف الجمال في ما حولنا هي ما تجعل الحياة ممكنة الإحتمال :)

marwa-elmokadem : الحقيقة مبشفش أي جمال بعيوني .. لكن بعرف اشوف القبح واحوله لجمال بخيالي .. علشان كده بشوف الجمال بخيالي لحظة تمكين الفقراء من الحياة :) lalyaa : الجمال ببساطة هو امي :) likamovie7777 : من بينها كلها ..اي الاشياء ..ارى الجمال في الصباح 
كل صباح عندما تفتح عينيك ..ها انت امام الفرصة التي كنت قد دعوت الله بان يمنحها لك ليلة البارحة . ل ربما يوم ما ستكون هذه اللحظة هي الفرصة الأخيرة ..
أتعلمون..الصباح سيبقى دائما الأوفى 
العصافير ستبقى تغرد على أشجار بخضارها ستبقى 
تبتسم ..والسماء من فوقك تشعر بانها تضمك
بان تشهد كل يوم على بداية جديدة 
بان تكون جزء من هذه المنظومة 
بانك غير مضطر الى حمل اعباء العالم كلها فوق راسك ..
بانك تعيش ل شيء اعظم ..
بان هناك من يسمعك 
من يدبر لك 
بان تعيش متوكلا راضيا مؤمنا ..
هو شيء جميل salmaan-saalim : معنديش تصور معين للجمال بس ممكن اشوفه في ما زين لي حبه من الشهوات.. في وسوسة الذهب وفي انطلاق الخيل.. في الزرع اذا اخضر و غازلته الرياح.. و في دلال النساء و ضحكهن و دمعهن..  اراه في كل شئ وافق الاحسان الذي كتبه الله علينا.. في المنحوت و المرسوم و المصنوع و ما فيه حيلة و دهاء.. 
و في كل شئ تمثلت فيه رحمة الله.. في الحب و العشاق و في الامومة و البر و في الفرحة بالاضاحي و الصدقات اذا اخفيت و في المعروف و العرفان
و داااائما في السماء و في الافق و في الشفاه و في العيون walaa-22 : في الوطن walaajomaa : التوبة 7aaawy : احنا مفتقدين الجمال أوى .. انا بحس ان الجمال ممكن يبقى ف كل حاجة حوالينا من اول البنى آدمين مرورا بالحيوانات والبيئة والجماد والكلمة الطيبة والروح .. انا بشوف الجمال كتير فى الألوان وفى البساطة وساعات فى العشوائية .. لكن الجمال ممكن يكون فى كل شئ حوالينا مبهج ومؤثر 

amrsultan : الجمال هو كل ما خلق الله في هذة الدنيا .. هو اللحظة الابدية للاشياء.. مافيش مقياس ثابت للجمال ولا معيار واضح .. كله معتمد علي نظرتك للشئ نفسه و ايه اللي جواك ..
الجمال هو راحة بتحس بيها لما تشوف حاجة اي حاجة

aphrodite0s0 : الجمال جزئين مادى ومعنوى، الجمال المادى حيث الجينات الوراثية مش بأيدنا، المعنوى حاجة جوانا مش بسهولة بنعرفها 
هختصر الجمال الأنثوى بالنسبالى فى كلام عشتار وهى بتتكلم عن نفسها
لما قالت:
أنا الأول وأنا الآخر – أنا البغي، وأنا القديسة – أنا الزوجة، وأنا العذراء – أنا الأم ، وأنا الأبنة – أنا العاقر، وكثر هم أبنائي – أنا فى عرس كبير ولم أتخذ زوجاً – أنا القابلة ولم أنجب أحداً – وأنا سلوة أتعاب حملى! – أنا العروس وأنا العريس وزوجى من أنجبنى – أنا أم أبي، وأخت زوجى وهو من نسلي
بتختصر معانى إنسانية عميقة وكتيرة أوى عن الجمال وفيها صبغة روحية فوق المستوى الإنسانى!
الجمال أعمق كتير من الحلاوة .. الجمال شيء جوانا بنكتشفه
ضحكة راجل بتحبيه فى تحسي شرياين قلبك فتحت فجأة 
الجمال مستحيل تعرفه لوحدك مش باين طول الوقت دايماً غطسان (الجمال شيء وحيد) .. الجمال لا يري بالعين المادية الجمال يري بالعين الروحية عميق لدرجة تغرقك فى الأشياء حتى لا تدرى بنفسك .. درجة تجعلك هائم وتائه أشبه بمخمور عشقاً فى أشياء تبدو لغيرك تافهة.
شيء يجذبك لمكان صعب أن تخطر على بال أحدهما، وعندما تذهب يكون لديك القناعة أنك ستكتشف شيء .. روحك تدفعك وتقودك لتكتشف شيء وتكتشف روحك!!! تجد ذاتك
بسمتك لما تشوف طوب أحمر الكل يراه طوب وأنت تراه بناء- أو فراشة تختبئ من عيون الكل اللى بيحاولوا يضعوها فى قالب ويحددوها - هى يا ناس مخلوقة كدا بجناحات عشان تطير - حمرة الطوب لما تشوف شفايف البنت اللى حبيتها لون حمرته.
الجمال فى نظرتنا احنا لما الكل يري صخرة البحر صخرة، وأنت تراها صمود وأرادة ثابتة أمام تخبيط الموج.
الجمال لما حد يقولك ربنا يفرحك وتحس مشاعرك خبطت فى بعض من صدق كلمته والاجمل وهى بتتحقق. :)
طفل ماشي فى الشارع ولما يشوفك ميبقاش عايز يمشي ويلف وشه وامه تشد فيه.
البيوت القديمة - الطبيعة والحيوانات 
الشجرة لما غصونها بتتمايل وتحس انها بترقص 
السمكة فى البحر لما تمشي مع السمكة صحبتها وتبوسها
القطة بتاعتى لما تبوس الكلب بتاعى .. او تبوسنى انا شخصياً وانا ببكى!
الجمال فى كل حاجة حوالينا بس بتختلف من عيون حد للتانى
الجمال فى الترام لما ولد يقوم عشان يخلى بنت عينيها حلوة تقعد
لما ولد يشوف بنت فى الشارع ويقف 5 دقايق يبصلها وهى مش حلوة اوى – او مش شايفة كدا
لما حد يحضنك بعيونه.
السما عالية اوى والنجوم لونها وشكلها حلو – يا جمال الله : )
الجمال لما اشوف على البحر بنت وولد بيبوسو بعض بوسة حب حارة وملتهبة مشاعر انسانية اوى والناس كلها تتفرج على حبهم وتضايق وهما فى احتواء ولا هما هنا ههههه
الجمال مفهومه عميق جدا لا يمكن حاصره
الجمال فى ادراكنا للاشياء
فى فهمنا ليها فى عمقها اكتر من شكلها
فى مشاعرنا الإنسانية اكتر من المظاهر
ان الانسان اتولد عريان وانه مش هيقدر يمحى انسانيته 
الجمال هو الإنسانية والإنسانية مش بالشوكة والسكينة !
الجمال مش فى جسد المرأة ككل : )) بس فى اطراف صوابعها :)
الجمال هو العقل وادراك معنى الجمال ودا بيتفاوت من روح للتانية
الجمال لما بنت كلهم يشوفها شكلها وحش بس الله يعطيها قلب ينحنى له امراء وملوك
زى قصة الجميلة والوحش بتاعة الاطفال .. اد ايه الوحش كان قلبه جميل :*
الجمال لما حاوى يفكرنى بالكرتون واقعد اضحك وانا اصلا لا اعرفه ولا كلمته
الجمال لما اشوف صورة هديل اللى كانت حطاها زمان وافتكر ضحكتها الحلوة كل ما تشير حاجة
الجمال لما هشام يحاول يجمعنا كدا :) 
الجمال لما افتكر ان الواد اللى برتاح معاه بيحب الزرافة فـ اشعر اد ايه هو جواه جمال انا بس اللى بكتشفه واكيد الفكرا مش فى الزرافة : ))
الجمال فى كل شيئ حوالينا طبيعى
فى شفايف البنت من غير روج وفى عيونها من غير كحل
وفى الكلب بتاعى لما عيونه تدمع لانى حزينة
الجمال فى كل شيء خلقه ربنا وروح الله جميلة
لو بصينا لكل حاجة انها من روح الله هتغمرنا سعادة قوية لان اكتشاف روح الله من الأشياء تقشعر لها ابدان الشياطين قبل الملايكة والبنى ادمين 
روحك هى اللى بتخلى الاشيا حلوة وهى اللى بتخليها جميلة

qahtan-art: مع الفن!! 

ibnmega : ربما أحببت إيجاز إيليا أبو ماضي أكثر
والذي نفسه بغير جمال
لا يرى في الوجود شيئًا جميلا
كُن جميلاً ترى الوجود جميلا

emanyat : انا بشوف الجمال في القطط اللي بربيهم..

rokaya-ahmed : مش عارفه بس انا بشوف الجمال فى كل حاجة نادرا ما بشوف عكسه ^^

 

حقيقي أنا مش عارفة إيه اللي بيجرا , لكن قررت أكتب بوست كبير عن الناس اللي أعرفهم في تمبلر

reem-yasser :

صديقتي العزيزة ريم , يشرفني أبدأ بيكي , لما عرفت تمبلر كنتي أول واحدة أحكيلها عنه , طبعاً إحنا صحاب برة تمبلر , لكن ده ميمنعش تكوني برضو صديقة إلكترونية ليا , بحبك فعلاَ و جداً و أبداَ , إن شاء الله 2015 هتكون أحلى السنوات في حياتنا , خصوصا إننا في صف واحد , وده مديني كمية بهجة الحمدلله مش طبيعية , أنا وعدتك إنها هتبقى أحلى و عند وعدي يا صاحبتي يا أختي :) 

somehowdead :

صديقتي الصدوقة آلاء , لقينا بعض صدفة هنا , لكن النصيب كان مجمعنا برة من زمان ,  16 سنة , من أول ما إتولدت معرفتش غيرك , تقريبا إنتي زي الذكرى معايا , شبه لون عنيا , مولودة بيه , ربنا يوفقك يا رب , أكيد سنة 2015 هتكون أحلى لما تتخرجي و آجي الحفلة بتاعتك , و أشوفك أخيرا حققتي اللي يريحك .. بحبك و يا رب يوفقك .

muhammad-wahba

صديقي وهبة , أنا عمري ما نسيت إني كنت فرحانة جداً بمعرفتك , و بتباهى بيها , ولازلت , و هتفضل زي زمان من الناس اللي بحترمها , إنت بالنسبة لي جزء لا يتجزأ من تمبلر , حتى لو في لخبطة كبيرة في علاقتنا , بس هيفضل ليها إحترامها , إنت تقريبا من أوائل الناس اللي عرفتها هنا , بقالنا سنة و شوية على فكرة :D , 2015 هتكون أحلى لو فضلت متفائل , و إن شاء الله تحقق منجزات في الكتابة و الغنا و الــحب .

mohammed-alkhwaja

بحب العفوية و الإندفاع اللي فيك :“D طيب أوي و مخلص , معرفش لما بنتكلم بحس إن الدنيا سعيدة و لسة بخير , بتمنالك الخير دايماً يا بشمهندس , ربنا بإذن الله هيسعدك في 2015 , بحب كونا أصدقاء و قريبين من بعض , و بحب جداً مدونتك , بلاقي فيها كل حاجة تشبهني و محتاجاها , يا رب تفضل سعيد دايماَ .

mahmoud-elmoghazy

أخويا الكبير , دايماً بتوجهني للصح , بحس إن ربنا راضي عنك و يارب يكون راضي و يرضى عنك , بستنى رسايلك كل جمعة عشان أقولك جمعة مباركة :) ربنا يحققلك اللي بتتمناه , عايزة أقولك إن الوقت بيعدي و بقينا في 2015 , إلحق حقق اللي محققتوش يا شاب :D

 mahmoudsadeq 

بحب أرخم عليك بطريقة مش طبيعية :D فيك شيء لله , بحب الكلام معاك بيخليني مبتهجة , شخصيتك و ملامحك بالنسبة لي شيء من الحجات المميزة لتمبلر , بحب وجودك فيه , و طبعاً كونك من المنصورة يخلي ده متوقع منك :P يا رب تكون سعيد في 2015 , و متشوفش فيه يوم حزين

marwaelzeiny

إنتي بالنسبة لي قدوة , بحب الحنان اللي بحسه في كلامك , صباحي ميبدأش غير في اللحظة اللي بقولك فيها صباح الخير , إنت شخص جميل بس تايه شوية , بحب فيكي إنك مرحة رغم كل حاجة , إن شاء الله 2015 تلاقي اللي ضايع منك , و تبقي أحسن و أحسن :) 

maisamy

إنتي بالنسبة لي ممنبع للأفكار و بحب جدا كل شيء بتكتبيه , تمبلر يعني مي سامي :) جميلة و طيبة <3 أكتر واحدة عرفت تقابل ناس من تمبلر و إن شاء الله هكون زيك , مبنتكلمش كتير لكن وجودك مريح , يا رب 2015 تكون من أجمل سنين حياتك :)

a7md-sadek

صديقي الروحاني , و صديق الجامعة , سنة 2015 مش هتبقى حلوة غير بوجودك , طبعا أنا واقعة في حب أفاتاراتك , و بحب وجودك الصامت الجميل , من أول ما بدأت أكتب البوست ده  و إنت في بالي , إنت من أجمل الناس اللي عرفتهم هنا روحاً , يا رب 2015 تكون بالنسبة لك مرحلة بعيدة عن أي حزن أو زعل :)

rana2shraf

مزعلني عدم وجودك جدا للأسف , و أتمنى ترجعي يا صديقتي أحسن بكتير من الأول , يا رب 2015 تكون سنة كويسة و مرحلة تانية خالص في حياتك , أتمنى تكوني بخير يا رب 

ahmd-samir

بالرغم من كل شيء و أي شيء , وجودك دايماً بيسعدني يا صديقي , بحب النقاش معاك , و بحب كمان أرخم عليك :D يومياتك الحقيقة بحب أقرأها , بحس إن حياتك ممكن تكون ممتعة , أو محور لقصة ما , يا رب 2015 تكون سعيدة عليك .

walaa-22 raw3a-mowafy

صديقاتي و أقرب ناس ليا في العمر هنا , وجودكم مرح جدا و يا رب تفضلو موجودين لآخر العمر , نفسي أقابلكم أكيد , ربنا يخليكم لبعض يا رب , يا رب 2015 تكون حلوة بالظبط زي روحكم و علاقتكم 

mhmdmdht

مع إننا مش بنتكلم , لكن الراديو ده كان بيساعدني في إني أتخطى مشاكل كتير , كانت فكرة عبقرية يا صديقي , يا رب يسعدك و يبعد الأحزان عنك , تستاهل كل خير , أتمنى في 2015 حياتك تمشي زي ما إنت عايز , و يبعد عنك الحزن لإنه حزن لينا كلنا

thlaspis

دكتورة هديل , إنتي أقوى من كل شيء , أتمنى تقفي قصاد الدنيا في 2015 و تلحقي ما تبقى في طفولتك يا جميلة , أنا واثقة إنك جميلة , لكن هتبقي أجمل كتير بدون حزن . ربنا يرزقك بالسعادة و التوفيق

ayamaaaaaa

برتاح بكلامي معاكي و وجودك يا صديقتي , بإذن الله ربنا هيعوضك عن كل شيء خسرتيه , بحبك بالرغم من إني معرفكيش من زمان , يا رب 2015 تكون مختلفة و يرجعلك الإستقرار و الصداقات اللي ممكن تكوني خسرتيها بسبب الثانوية العمية :D

musta-mohamed 

صديقي الغامض , إنت اللي جبتني هنا أنا ممتنة ليك فعلا , مشهور أوي على فكرة برة تمبلر :D بحب وجودك المفيد ده , ربنا يسعدك و يا رب 2015 تكون أحلى 

alaakohil92 

مصدر للبهجة و السعادة ليا معرفش ليه , يمكن لإن صورك دايما بتفائلني , يا رب يسعدك في 2015 ..

kholodahmed 

دكتورتنا .. يا رب يا رب يتحقق كل اللي بتتمنيه , و يخفف عنك كل صعب في 2015 , بحس إن وشك مليان نور و إيمان , ربنا يسعدك يا رب و ينورلك حياتك , أتمنى مكونش ضايقتك يوم :)

5oloud-ayman

الحقيقة مقدرش أنساكي , ضحتك ما شاء الله من أجمل العجائب اللي شفتها :) تستاهلي كل خير و يا رب تفضلي كويسة و تبقي سعيدة في 2015 .

my-mustafa-gecoo

مصطفى , صديقي العزيز , بحب أسمعك و بحب أقرألك , و شكرا إنك كنت سبب في إني أنجز شيء في الكتابة مأنجزتوش غير من تشجيعك , يا رب 2015 تبقى مستقر , و كل أمورك تمام , و وصلت لقرار ^^

emanelhowary 

السعادة ليكي , ليكي و للي بتحبيهم يا رب , أتمنى إنك تكوني سعيدة دايما مش 2015 بس , يا رب تحققي اللي نفسك تحققيه , و خدي بالك من الوقت عشان ميعديش بسرعة , بحب اللون التركواز الزمردي عليكي يا جميلة <3

perks-of-being-egyptian samoo113 

وجودكم في البلوج جزء لا يتجزأ منها , شكرا يا أصداقائي و يا رب يدوم وجودكم لكل السنين القادمة , و يحقق كل اللي بتتمنوه في 2015 

elgo5

تستاهل كل خير , ربنا يهون عليك أي زعل و أي هم , و يارب تفضل منور البلوج , أتمنى لك سنة سعيدة يا عزيزي في 2015 ..

eddeeb

كنت عايزة أقول ضحكتك جميلة زي وجودك بالظبط , يا رب تكون 2015 حلوة عليك

eman-adel

تستاهلي الخير على كل حفلاتك :) دي أول حفلة بالنسبة لي و ربنا يجعل 2015 سنة حلوة عليكي يا رب 
emem-2015 

إيمان , لو أقولك إني بحبك الحب شوية عليكِ , يا رب 2015 تكون سنة سعيدة ليكي و مليانة بهجة .

moody1990

صديقي صانع السعادة الصامتة , بحب أوي اللي بتكتبه , يا رب 2015 تكون سعيدة جنب اللي بتحبهم , و تلاقي الأماني اللي بتدور عليها 

yassen-said

صديقي الفضائي اللي بيحب الأكل لكن خاسس :"D منبع الرخامة والدم الخفيف , داخل هندسة كدة و خلاص :D ربنا يسعدك يا رب في 2015 و تكون سعيد قد الدنيا

mennakordi

يا رب ما تبطلي جنانك , يا صديقة و محبوبة تمبلر كله , ربنا يسعدك يا رب في 2015 و 16 و 17 و جميع السنوات القادمة و يعوضك سعادة دايما , صوتك بهجة ..

olaglal

أجمل ما في تمبلر إني عرفتك منه يا  صديقتي , بحبك والله و أكتر , ربنا يسعدك و ويوفقك يا بشمهندسة , و يجعل لي نصيب في لقاكي , يا أجدع واحدة شفتها , يا رب 2015 تكوني فيها مرتاحة البال و منزاح عنك أي هم 

asdaa-maktofa

ضحكتك و أفاتارك يستاهلو أصلا يتحطو في متحف , ربنا يحلي قلبك أكتر و يدفيه , و تحققي أمانيكي ,و نبقى صحاب و أصدقاء , يا رب 2015 تكون زي ما إنتي عايزة و كلها خير 

safi-soliman 

بحب العقل و الرجولة اللي فيك , يا رب تكون وصلت لهدفك و لو موصلتلوش توصله في 2015 يا رب 

أما بالنسبة لمصر , إدعو كلكو معايا تكون أحسن من اي مكان , زي ما هي حلوة بأهلها , و يبعد أي هم و أي مشكلة , و يقربنا من بعض و يصلح حالها , و يعمل اللي فيه الخير يا رب

يا رب مكونش نسيت حد بس والله بحبكم كلكم و يارب يسعدكم كلكم يا أصدقائي , و عائلتي التمبلروية ^^

إحنا ليه عندنا عادات وتقاليد؟

ibnmega : شعب متديّن بطبعه.. من كتر التدين بعد ما أنهى تطبيق الشريعة، إتجه لمحاصرة نفسه وأفكاره أكتر بتحجيم قوانين الطبيعة، وإضافة قواعد أكثر صلابة تحبسه جوه زنزانة أضيق، حتى لو ده ضد التدين نفسه، وده لأن البشري كائن أحمق لا يحترف سوى ممارسة القمع حتى مع ذاته

mngaya
 : عشان احنا غاويين نقييد نفسنا ف بنخترع قيود .. مش مكفينا اللي عندنا !


mennakordi : عشان تعرف مدى الجهل اللى كنا عايشين فيه من أيام زمااااااان زمان أوى ….
عندنا عادات وتقاليد لان فيه ناس بتتفنن فـ تحريم حاجات وتحليل حاجات .. على مزاجهم … ومن هنا جه الغلط قبل الحرام والصح قبل الحلال ..
مش كل العادات وحشة ومقيدة .. فيه حاجات تتفق مع مبادئك الشخصية  وتبقى مرتاح لها …

manar-ahmed-hany : * سؤال مهم 
كنت من كام يوم بسأل نفسى والله عليه 
بس يمكن عندنا عادات وتقاليد 
يمكن نتجة تربيتنا 
كانت شديدة 
كانت اساسها احترام الأخرين وعدم تجاوز الحدود 
يمكن العادات والتقاليد 
نتجة إننا شعب متدين أو بيربط الدين بكل شىء صح
مش عارفة بصراحة سؤال يصعب على عقلى الصغير التفكير فيه :D
بس احيانا كتير بتكون فى عادات مش صح 
بس نتجة إننا نخاف نكسر القاعدة 
أو نخاف نعمل شىء غير مألوف بنلتزم بالعادة 
وللاسف ده شىء سىء جداً

7ala-az  : احنا ممكن ما نكون موافقين على العادات و التقاليد هاي سواء ك عادات بيتية / عائلية او حتى في بلدنا .. بس بنكون مضطرين نمشي معها ونعملها عشان لو تخلينا عنها رح نصير غربيبين وكإننا بنتخلّى عن شي منا و فينا ..
للأسف الشديد إحنا بنعمل أغلب الأشياء وإحنا خايفين من العيب و شو ممكن يقولو علينا أكتر من عشان احنا مقتنعين فيها و بدنا اياها .. بس

menna-aslan : انا بسأل نفسي نفس السؤال كل يوم … طب لية بنحرم حجات حلال … طب لية ماسكين في العادات المتخلفة و العادات الكويسة بدأت تنكمش ؟؟ … طب لية بنقبل بالعادات دي اصلا حتي لو كرهنها بس بردة مهتمين بيها ؟!!

nesma-90 : عشان لازم هتكون موجودة وفي كل مجتمع..
اكيد في جزء كبير منها متخلف ورجعي ولا يمت للأخلاق والدين بصله..لكن بردو في عادات كتير متقدرش انت نفسك تستغني عنها.. 
أو ممكن تقبل لنفسك اختراقها وترفض أن أختك تعمل كده !
طبيعي في مصر أغلب الأسر متحفظة وده شئ إيجابي عشان يحدد العلاقات وده مش معناه أنها متخلفة مثلا إلا لو كانت زيادة عن حدها .. 

saroabdelaziz : عشان اتعودنا نمشي على مانويل أو دليل إرشادات. عشان الصح والغلط هو اللي بابا وماما يقولوا عليه يعني “يُملى علينا”، عشان ما اتعودناش نعتمد على نفسنا في الابتكار ولازم نعمل زي حد ونقلد فبقت العادات معتادة ومكررة واعتدنا على تعوّدها وتكرارها. كمان فكرة إن الكبار كانوا بيعملوا كده وإحنا لازم “نقلّدهم” هي اللي عملت التقاليد يعني برضه فكرة انعدام الابتكار في السلوك. استسهال المشي في طريق مشي فيه غيرنا برضه سبب. يعني مفيش ابتكار برضه في أسلوب الحياة. رفض كل جديد أحد الأسباب، رفضه عشان خايفين منه ومش “متعودين” عليه. ده رأيي.

nada-3arfa : عشان تنكد علينا حياتنا

7aaawy : عشان الانسان غاوى يتعب نفسه .. عارف بنى اسرائيل لما حرموا على نفسهم أكل مع انه حلال أهو احنا كده .. هقولك تصور كده عندى مع انه ساذج بس فعلا بحس انه حصل .. انا بحس ان كل حاجة من العادات والتقاليد دى جت صدفة وبالتقليد يعنى شخص عمل حاجة منهم بالصدفة البحتة او لأى سبب تافه فتقوم الناس مقلداه لحد ما تصبح عادة ويقرفونا احنا بيها كأنها فرض أو أمر الهى نازل م السما مع انك لو سألت اى حد أصل العادة دى ايه او لازمتها او ليه اصلا نلتزم بيها مش هيعرف يرد عليك نهائى وغالبا هيقولك ادى اخرة النت اللى بوظ عقولهم 

abeerhafez : لأننا نملك حضارة…وتاريخ

h-mahmoud : عشان كل واحد بيخلف عيل بيربيه زى ما أهله ربوه عشان ميعرفش يعمل حاجه غير كدا , بيلاقى نفسه متحمل مسئولة طفل و مش عارف يعلمه ازاى و معندوش خبره , عشان كدا بيربى الطفل و يعلمه نفس الحاجات اللى اهله علمهاله من 30 سنه و من هنا بتظهر العادات و التقاليد اللى بيتوارثها جيل ورا جيل عشان مفيش حد فكر للحظه انه يربى ابنه فى البيئه اللى ابنه اتولد فيها مش فى البيئه اللى هو -ابوه- اتولد فيها , مش بيحط فى دماغه تغير الزمن و الجيل و عقلية الطفل دا لما يكبر و يطلع فى مجتمع مختلف عن اللى ابوه اتربى فيه , و المصريين ايه غير عادات و تقاليد مش عارفين يكسروها و يخروجوا عنها كأنها قرآن أو حاجه مقدسه.

hoboch : بسأل السؤال ده دايما وبعترض عليه !! فعلا معرفلوش إجابه .. لكن عارفه إنه أسوأ حاجه فى مجتمعاتنا وحياتنا وإنه يمكن الناس شايفين إنه تكمله للتدين بس من صنع البشر .. يعنى إحنا عارفين الحرام لكن أبدا ربنا منزلش حاجه إسمها عيب :@ وبرغم إعتراضنا بردوا العادات بتتورث

 hebaao : انا فى رأى إن معظم العادات والتقاليد اللى بتحكمنا كويسة ولو دورت على أصل بعضها هتلاقية من السُنّة ..بس فى عادات تانية قصدها الوحيد إنها تكدرنا وتنغص علينا العيشة مش أكتر !
يتوب علينا ربنا أنا زهقت وقرفت منها :(


eman-adel : لما حبينا نبرر غلطنا أو سلطتنا أو حتى رغبتنا فى إيذاء الآخر ساعتها اخترعنا العادات والتقاليد .. هتلاقى مُعظمها حتى مش حرام فى دين ربنا بس عيب فى عُرف المُجتمع الغبى .. الآباء بيفرضوا سيطرتهم على أبنائهم من خلالها ، كل حاجة عيب ، كل حاجة غلط عشان التقاليد قالت كدا .. عشان كلام الناس الفارغ بس كلام ربنا يتكسر عادى ، مناخدش بيه عادى .. مش مهم .. المُهم الناس 
مثلاً لما يصنفوا المُطلقة على أنها علطول غلطانة والمفروض متخرجش من بيتها ولا تروح وتيجى عشان عيب ، دى عملت مُصيبة .. فى عاداتنا المُطلقة علطول غلطانة مع أنها ممكن ميكنش لها ذنب .. زى ما اتربينا أن كل واحدة تكلم واحد مش مُحترمة مع أن العلاقات الانسانية تتسع .. زى ما اتربينا أن الولد يُحكم ويتأمر مع أنه لا فضل لعربى على أعجمى إلا بالتقوى بس العادات بتقول كدا يبقى لازم نطاطى فوراً .. زى ما الولد يشرب سجاير ويجيب بنات عادى ، ما هو ولد مع أن دا مُحرم فى دين ربنا .. زى ما نبين حلونا وأننا قطط مغمضة قدام الناس حتى لو احنا مش كدا ، حتى لو احنا وضيعين عشان محدش يقول علينا حاجة وبس مش نحاول نغير من نفسنا ونبقى مش مُزيفين .. لا ميهمش خالص ، المهم تبان لطيف ومحصلتش وتبقى كدا فى السليم .. زى ما لو واحد جاله إيدز يبقى أكيد عمل حاجة غلط وننفر منه مع أنه ممكن يكون خد حقنة بدم ملوث بس هو كدا .. زى ما لو واحد قرر يعمل شىء مُختلف وميمشيش زى الناس يبقى مش مظبوط .. زى كلمة مُحترم ومُتدين اللى بنحكم بيها على الأشخاص مع أن دى كلمات مطاطية .. ملهاش أى أساس أو وجود .. زى ما بنعتبر نفسنا أحسن من غيرنا ونقرف منهم عشان عملوا حاجة مع أننا ممكن نبقى مكانهم فى يوم من الأيام .. زى ما الحُب خطيئة مع أن الرسول عليه الصلاة والسلام كان بيحب السيدة عائشة جداً وقال إنى رُزقت حُبها .. عيب تبدى وجهة نظرك عشان دى قلة أدب ، عيب تقول أن الدكتور فى الجامعة غلطان ، هو الدكتور بيغلط .. عيب تقول اللى جواك بصراحة ، تبقى جرىء وعينك مكشوفة ويااااى بقى .. وعيب وعيب وعيب وخلاص .. احنا اتربينا نخاف من الناس مش نخاف من ربنا .. اتربينا على الكذب والغش والتفكير فى مصلحتنا وبس عشان نرضى الناس وعشان البرستيج الاجتماعى وعشان شوية قوانين فرضها الانسان وخلاها شبه آلهية .. أنا معرفش حاجة اسمها أصل العادات بتقول ، أنا أعرف ربنا بيقول واللى همشى عليه هو كلام ربنا وهعمل اللى عايزاه طالما مش حرام فى دين مش دين البشر .. لم نُخلق لنُرضى الخلق

touchful: فعلاً .. لماذا :/ … كل الشعوب عامة هممم ما السبب طيب الأولين جابو تقاليدهم من وين ^^” .. وعلى اي اساس اختارو هذا ينفع وهذا لا :/ وليش تتغير مع الزمن .. بغض النظر عن كونه كويس او لا (ممكن الكويس هو الي يروح والشين هو الي يبقى «< حسب بعض الي شفته )


aphrodite0s0
 : لو هنحكى بالموضوع دا نرجع لمجتمع القبيلة .. العشيرة .. الامر والنهى والحكم
وتطور مجتمعنا و احنا بنعرف بالطبع انه متغيرش والتطور اللى ماشي فيه شوي تطور تكنولوجيا من باب الرفاهية مش من باب ان دا شيء بيساعد بالعمل!
نقطة تانية مجتمع الشيخ (كبير السن) اللى كلامه يمشي على كل الناس
وقمع البنت هو اكتر شيء خلى العادات دى تكتمل نتيجة للفكرة عن المرأة واذا المرأة تقدم الشعوب فى الكل يعاملها كحمار مش كيان أساس الكون .. اساس الرجل نفسه هى مرأة وإلا هو جه منين الحج!
ومن هنا بيزداد القمع ونعود مرة أخرى للنقطة صفر (الشيخ والقبيلة) بس على شكل متحضر بلبس جديد مختلف ولكن الفكرة متوارثة .. متوارثة بدون معالجتها لأن دا عاجب اللى بيقمعوا فينا !
وطبعا لانهم عايزين مجعتمعهم مقفول لان الامر لشيخ العشيرة فالبطبع لازم يتزوجوا ومن هنا جالنا ارث زواج القرايب (زى الأخخوان كدا) جماعة قبيلية لاتعترف بأحد من خارجها ونجحت فى السيطرة على المجتمع على فكرة بالتخلف من قبل الحكم!! وناتج من القبيلة باردو!
ومن هنا باردو جالنا ارث الزواج (الاجتماعى) كعقد اجتماعى الى حد كبير سخيف واللى هو عشان ينجح لازم فى خطوات مهمة مش مجرد هرجلة او كلمة بحبك او حب وخلاص
واليوم طبعاً .. البنت تتجوز عشان العائلة تفرح مش عشان هى اللى هتفرح
وطبعا احنا دلوقتى يا اما بنقفل اووى زى مجتمع القبيلة وبتخلف يا اما بوس واحضان وبنفتح .. هرب مننا نقطة الاتزان فى الامور بسبب المجتمع وارثه الغبي
وبما انو فى شيخ ماسك الليلة دى كلها ف في احكام بتصدر وقت الخطأ وعقاب واعتقد انو من هنا ابتدأ المجتمع الديان!! لكن هذا لا ينفي وجود نوع من مجتمع القبيلة متحرر ولكن بناته واللى بيخرج منه باردو بيكون مش متحرر لحد كبير
فى وجهة نظرى الكارثة الحقيقية جاءت من مجتمع القبيلة والعشيرة واللى بنتوارث منه إلى اليوم
بعد دا كلو بقا لما يقولك مصر دولة مؤسسات هاهاهاها
اللى هو ظاهرياً دولة تيجى إلى باطن الأمر قبيلة قبيلة بكل شيء
نتج عن كل ذلك .. الادانة
التدخلات فى حياة الأخرين
عدم الاتزان الانسانى (النفسي والاجتماعى)
الفقر
وسلوكيات مجتمعية بص حواليك كدا تلاقيها قبيلة قبيلة يعنى مافيش كلام :)

fearsandanxieties : عندنا عادات وتقاليد لأننا شعب جبان، مايعرفش يعيش من غير صندوق حواليه، صندوق هو اللي حطُه لنفسُه.. عاملين زي مصاصي الدماء اللي يتحولوا لرماد لو لمسهم نور الشمس


engasmaa : اللى يحرم على نفسه الهوا مع إنه مُباح 
يبقى بيحب يخنق نفسه..وعشان كده  
  عملنا صندوق العادات والتقاليد ….
علشان مستكترين على نفسنا نعيش من غير قيود ولا حاجات تخنقنا …لحد ما اتعودنا ع الحياة اللى جوه الصندوق ..وبقينا بنستغرب كل ما هو خارجه

just-hagar : عشان الإنسان لما بيبقى في مجتمع معين في حقبة معينة من الزمن بتبدأ تسيطر عليه تصرفات و أفكار معينة ممكن تكون التصرفات أو الأحكام الي أطلقها دي نابعة من الزمن الي كان فيه ، من البيئة الي حواليه ، من درجة معينة من الجهل بتسود العصر ده و ممكن برده من مصدر ديني أو أخلاقي 
و بعدين التصرفات و الأحكام دي بتفقد مبرراتها مع الزمن و تبقى بتتوارث من جيل لجيل لمجرد التوارث -عشان أجدادي عملوا كده و عشان أهلي عملوا كده - من غير التفكير في جدوى التصرفات دي 
هي دي العادات و التقاليد 
إذا مش غلط إن يبقى موجود عندنا عادات و تقاليد ده شيء حتمي إنها تكون موجودة نظريا لكن الغلط إننا نقبلها و نخضع ليها و نطبقها من غير تقييم للعادات دي واجبنا كأفراد عاقلين إننا نمنع استمرار السيء منها 
نعمل تقييم شامل لكل حاجة ورثناها عن أجدادنا و أهلنا و نشوف هل الحاجة دي ليها أساس ديني ؟ هل ليها أساس أخلاقي ؟ هل هتعود بالنفع عليا و على المجتمع لو اتعملت ؟ و لو هي و لا حاجة من دول يبقى ما تستحقش اني أحطها في قاموسي و أعمل ليها حساب في حياتي .

salmaan-saalim : افتراض قد يخالف الواقع و الحقيقة
عشان يبقي في اختيار لازم يبقي في احتمالات متاحة نختار ما بينها.. و عشان كل احتمال بيبدو رائع و مغري في اوله حيث تكون عواقبه مستترة وراء لذة التجربة و اثارة المغامرة، و يكون العقل مخمور بحب الاستطلاع، اصبحت خبرات الاخرين ذات قيمة لانها تكشف لنا بعض العواقب فتساعدنا علي اجتناب المهالك و طلب المنافع..
جايز في سبل عادي لو تكون متاحة للي عاوز يجرب و مش هيترتب نفع او ضرر الا علي الشخص ده فلذلك هو حر فيما يصنع و ملهوش عند المجتمع الا النصح طالما عقله سليم..
بس في طرق و مسالك تانية بتجيب مشاكل عامة للمجتمع و ان جلبت للفرد نفع او متعة او لذة خاصة، فلوا فطن حكماء المجتمع لده عملوا ثهده و “اتفق المجتمع” علي تحريمها علي نفسه “حرصا علي السلامة و الصالح العام”..
المشكلة ان الحكماء ماتوا و الجيل اللي كان فاهم العواقب زهق من تكرار الموضوع للجيل الجديد ف بقوا بيكتفوا بقول ده واجب مينفعش تسيبه، و ده عيب ميصحش تعمله.. و شوية شوية الجيل ده مات و المنطق تحول من “الواجب و العيب” الي “سلو بلدنا كده و بلاش كتر كلام” .. 
تفتكر لازم فترة ضلال و تجربة قبل ان نهتدي مرة اخري الي الحكمة الاصلية و المنطق السليم؟؟

shoshooooo25 : العادات والتقاليد هي السقف اللي بيمنعنا نطول السما

نعمة الفقد

 eman-adel said: معلش للتدخل فى الموضوع دا ههههه بس الفقد فعلياً بيضيف قوة جبارة للشخصيات واللى يفهمه صح وميكتئبش بسببه بيبقى شخصية مُتزنة وبيعدى مراحل الإرهاق الإنسانى كله بحيث لا يزعجه شىء ولا يوقفه شىء ولا يرعبه شىء .. الفقد دنيا تانية من مُبهجات الحياة

ebtesam-h : أنا بس بقول أن القوه دى أكيد بتيجى بعد كذا سقطه عشان تتعوّد تواجه الفقد ف الموّضوع كُله ف أول كام سقطه لحد ما تتعوّد و يبقى عندك القوه الكافيه عشان تسند نفسك بعد كده .

kholodahmed : الفقد بيخليك تؤمن بمدى تفاهة الاشياء من حواليك و على اد ما الدنيا بتبقى اضيق من خرم ابرة ساعتها بس بعد ما تفوق بتحس نها فعليا متستهلش جناح بعوضة 

ramygaafar said: لما تفقد هتكتسب تناحة و مناعة و هتلاقي نفسك مش فارق معاك حاجة بعد كدة و هتعرف انها فعلا مابتقفش علي حد

dinaahmed2222 said: الفقد بيضعف قوى وبيخليك تفقد الثقه ف الى حواليك وبيفتتك من جوا هو اه مع الايام هيبقى فيه نوع من الامبالاه بس مع احساس بالخوف ديما جواك بيخليك تخاف تقرب من اى حد من كتر مانت مرعوب من فقدانه

morgan-vii said: بيتهيألي نقطة مهمة في الفقد هي رد فعلك وقتها؛ هل ه تتقبل انك فقدت شخص/شئ و تاخد الصدمة اللي تعلمك ان الفقد مش هو النهاية و ان لكل شئ اطار زمني محدود مهما طال و ان هناك بدائل..الخ، ولا هتفضل متعلق و رافض تتعلم لحد ما يصبح الفقد اعظم نقمة بليت بيها؟ :)

alaakohil92 said: الفقد .. احساس كده مكعبل ومش مفهوم .. بس مُفيد اوي .. اه مفيد ومُريح وبيخليك تبُص لنفسك بصة تانية خال بمعنى تاني بتكتشف قوة جواك مكنتش عارف انها موجودة .. بس مظنش انك هتوصل للقوة دي من غير ما تاخد وقتك في الحزن على المفقود ده سواء بقى كان يستاهل او مايستاهلش حزنك .. بس مبدأ انك تدي كل إحساس حقه .. حقه وبس مش اكتر من كده بمعنى حزن اه مش اكتئاب ومتاهاته الى مش بتخلص .. عشان كل ما الوقت بيعدي هتكتشف نفسك وتبقى واضحة ادامك .. ف الفقد مُريح

salmamotawea : الفقد بيحط كل حاجة في مكانها الصح كل حاجة بتبان بقيمتها الحقيقة لا ازيد ولا اقل.. الفقد بيشيل الغشاوه من على عينينا

3a2esh-3esam said: بالنسبالي الفقد مش فقد اشخاص بس.. أنا بفقد حاجات كتير اوي مش لازم أشخاص:فقد الاحساس نعمة بصراحة و فقد الاهتمام .. اما فقد الاشخاص ف ده نعمة من ربنا ﻷن ربنا مبيبعدش عننا حاجة الا اذا كانت مؤذية ..فالفقد نعمة ساعات فعلا

dallousha-1 said: يا اصدقاء لولا الفقد ما كنا..الفقد بيشكلنا و بيطلع منا حد تاني له بعد روحي مستوعب و جميل

ayehia7 said: الفقد في ابسط معانيه هو انك تدرك اهميه ما تملك . بس الحقيقه ان حتي ده مش بيحصل لان لاسباب كتير الفقد بالنسبه ليا ان الحاجات تساوي صفر ، اني اغير مركز كل الحاجات الجايه.

hardlessonsblr said: في فقد بيضيف النا وبيقوينا وبيغير نظرتنا للامور وفي فقد ليس كمثله شيء

rokaya-essam  الفقد بيقوى مش بيكسر ولا بيضعف الفقد بيخلق روح جديدة قادرة انها تدى اكتر من فقدته! الفقد نعمه حلوة حتى فى اسوء حالتها مش بيدركها غير المؤمن عن حق! :)))

moaa3li  ممم العلاقه بين اي حد عباره عن خيط رفيع طرف بيقضل متشعلق فالخيط ومتبت فيه وطرف بيسيبه بكل سهوله
معنا انك تتخيل حياتك من غير شخص قضيت معاه زكريات حلوه وان خلاص دوره ف حياتك خلص يخليك تقفل الباب ومتدخلش حد ف حياتك تاني خوفا ان تحبه وتقضي معاه ايام حلوه وتفقده
صحيح مبدا الحياه ان كلنا فترات في حياه بعض بس في ناس طيبه اوي وبتحب بضمير وبتتعلق وصعب انها تنسا

ranozaphobia    الفقد فعلاً نعمة .. بينحت روحنا حرفياً .. بيخلينا أقوى وأجمد من جوانا .. الفقد  قوته هى اللى بتخلينا نكمل واحنا عارفين اننا قادرين نقع تانى ونقوم .. متهيألى اللى جرب الفقد قادر انه يعدّى حاجات كتير فى حياته بقلب قوى 

sooki-elsayed  الفقد بالنسبالي ليه معاني كتيير عيشاها من ساعة ماجيت الدنيا وكبرت ووالدي مش معايا ومشوفتهوش ،، فبالتالي فيه حتة ف قلبي ناقصه عمرها مابتكمل واحساس بالامان والاطمئان والاحتواء دايما مفقود وعمري ما حسيت بيه .. وبعد والدي فقدت ناس كتيير جدًا ف حياتي بعد مشاكل وفيه ناس بعدت من غير سبب وكنت ف كل مره بتعب بس بقوم تاني بعدها قوية واخر مره هي الي كنت قوية بعدها وقادره لحد دلوقتي .. الفقد خلاني اشوف فيه قوة متخيلتهاش قبل كدة .. عرفني قيمتي وخلاني مقبلش ب اي حاجة انا مش عايزاها او بتتعبني ومصدر تعب اعصاب ،، خلاني ابقى اد قراراي ادام نفسي ومش بهرب . الفقد بيعلمنا نشوف الحاجات صح من برا ونضحك للذكريات ونكمل

ده كلام مهم جدا وصح جدا ولازم يُضاف لنفس وجهة النظر.. واللي حابب يضيف كمان يبعت ويقولنا رأيه.. خلونا نكمل بعض

ايمان عادل يا عقل الفرحة امتعتينا حقا 

شكرا لك و لافكارك الرائعة 

قررنا انك تستهلي انت كمان اوسكار لادخالك البهجة الى قلوبنا ♥♥♥

شكرااااااا


و شكرا ل شيماء هي صاحبة الكلمات الجميلة التي في الصورة 

شكرا للمساعدة يا حليفتي في المهمة السرية ♥

وصديقًا يملئ كونكَ نورًا .. بإيجابيته
يربت على كتفك .. فيشيل عنك كُل ما أهمك 
لا يحتآج مِنك سوى أن تستمع لصوت قلبه
وتُمسك بيده ..تُهديه الحب في حقيقة قربٍ ودعوة خفاءٍ مِن القلب 

“ويبقى قلب صديقكَ حينها هو كُل أوطآنك ”

ومِيض أمل *

وقبل نهاية الحفل ..

أوسكار السعادة لصاحبة الفكرة 

إيمان عادل 


شكراً على روح الفرحة والبهجة


شكراً على كل الوقت والمجهود والاعداد الجميل


ربنا يفرحك ♡


17/4/2014

@eman-adel

Tagged by da ninja Jay (◕‿◕)

ninjazpenguinzz

TEN FACTS
► Name ➔ Mohamed
► Birth place ➔ Egypt
► Hair color ➔ Red brown
► Age ➔ Between 30 and 40. :D :P
► Eye Color ➔ Brown
► Birthday ➔ December 25
 Gender ➔ ha
► Lefty or Righty ➔ Righty hand - lefty leg
► Single or taken? ➔  Single
 Happy? ➔ hahah … No!

TEN THINGS ABOUT YOUR LOVE LIFE 
► Are you in love ➔ No
► Do you believe in love at first sight ➔ Yes and No.
 Who ended your last relationship ➔ Me
 Have you ever broken someone’s heart ➔ Yes :|
► Are you afraid of commitments ➔ Ah
► Have you hugged someone within the last week? ➔ Aywa
 Have you ever had a secret admirer ➔ Ah
► Have you ever broken your own heart? ➔  A lot

► Do you usually spend Valentine’s Day alone? ➔ Shut up
► Short or long-term relationships? ➔ What is relationships ? :p

TEN CHOICES
► Love or lust ➔ Both
► Lemonade or iced tea ➔ Lemonade
► Cats or Dogs ➔ Both
► A few best friends or many regular friends ➔ Best friends .. fake! .. many regular friends yes
► Television or internet ➔ Internet
► Pepsi or Coke ➔ No thank you
► Wild night out or romantic night in ➔ Both [ gimme more ]
► Day or night ➔ Night
► Text or Call ➔ Both
► Make-up or au naturel? 

TEN HAVE YOU EVER
 Been caught sneaking out? ➔ Ah
► Fallen down/up the stairs? ➔  My childhood ;|
 Wanted something/someone so badly it hurt? ➔  Yes
► Prank called a store? ➔ La
► Skipped school? ➔ Yes .. many many :D
► Wanted to disappear? ➔ Everyday
► Spent all your money? ➔ Ylhwy , Ah
► Met a celebrity? ➔ Yes
► Been really ill? ➔ Yes
► Gotten high? ➔ No

TEN PREFERENCES 
► Smile or eyes ➔ Both
 Light or dark hair ➔ Hair :p
 Shorter or taller ➔ Taller
► Intelligence or attraction ➔ Charisma

► Hook-up or relationship
 ➔ Relationship
► Funny and poor or rich and serious ➔ Funny and rich :D
► Mac or PC? ➔ PC
► Chapstick or lipstick? 
► City or country? ➔ Both
► Driving or walking? ➔ Walking

LASTS
► Last phone call? ➔ Alaa , my brother
► Last song you listened to? 
➔ Maktoobli by latifa xx
► Last thing you ate? ➔ Potato and watermelon
► Last thing you drank? ➔ Apple juice
► Last place you were? ➔ Balcony
► Last kiss? 
► Last picture taken? ➔ 2 days ago wiz friends
► Last outfit? ➔ White t-shirt , blue jean short
► Last purchase? 


Now let’s tag :

dounia-algeria , atay-bender , shahadbreezy , 7odoud , mennaelsopky , gnanelmasreya , manoola87 , aseeyax , eman-adel , 7aaawy , 7aamed , alscientist