dahil mahal na araw

Tweyt

Ika-dalawampu’t walo ng bwan na naman ang sumapit. Naalala ko dati na kapag dumarating ang araw na ito, magsusulat ako ng mensahe para sa'yo. Doon ko ilalagay ang mga salitang naglalarawan kung paano at bakit kita minahal. Sa kung paano ang pagmamahal ko ay umusbong sa sarili kong paraan. Iniisip ko kung paano ko ba ilalapat sa mga salita ang nararamdaman ko para sayo. Mahal kita, NOON. Minahal kita, NOON. Pero wala na palang future tense kasi wala naman na rin tayo. Hanggang alaala na lamang ang ating pinagsamahan.

Bakit nga ba ako muling sumusulat tungkol sayo? Hindi ito dahil sa mahal pa kita, gusto ko lang alalahanin yung araw na sinagot kita. Yung araw na pinaparamdam mo sakin yung pagmamahal na meron ka. Oo, tama. Namimiss ko yung pakiramdam ng may nagmamahal galing sa isang taong espesyal sayo. Miss ko lang yung feeling, pero hindi yung pagmamahal 😁

Ano nga bang nangyari? Bakit biglang nagkaganun, at nauwi ang lahat ng masasayang alaala sa isang mapait na alaala. Nagkasakitan, nagkapalitan ng masasakit na salita pero ang mahalaga ayos na tayo pareho ngayon. Hindi ko sinulat ito para guluhin ka. Sinulat ko to para malaman mo na masaya ako para sayo. Hindi ko alam kung mababasa mo to, pero kung sakali na mabasa mo itong sulat ko para sayo, salamat. Salamat sa mga panahong nandyan ka para sakin, DATI. Sana ay magpatuloy ang kasiyahan na meron ka ngayon.

Ngayon masasabi ko na wala na talaga. Wala na kong nararamdaman pa para sayo. Masaya ako. Para sayo dahil nahanap mo na yung kasiyahan mo, at para saken, dahil may pagkakataon ako na mahalin ko pa ang sarili ko at matagpuan yung taong tunay na makakapagpasaya sakin :)