5

Listen, I kind of ran from Intelligence. I’ll admit I wasn’t ready to work side by side with you. It was stupid. It’s like my family up there. I’d really like to come back. Okay. Is that okay with you? Yes. You sure? Yes. Okay, cause that was kind of quick.

طيب الخلاصه ونجيب م الآخر

1- صاحب الكل وحيد.
2- اللى فاهم الحب بكل تفاصيله، مش مرتبط .. ولو ارتبط تبقى أمها داعيالها في ليلة القدر
3- كلام الناس كله غلط، أياً كان صح أو غلط.
4- أنجح العلاقات أخفاها.
5- كليتك العالية مش دليل إنك عبقري، ولا كليتك العادية دليل إنك تافه
6- التعليم المصري عامل زي “النيش” ، ملوش أي ستين لازمة بس لازم يبقي موجود.
7- إذا معرفتش تكون “بنادول’‘، حاول متبقاش صداع.
8- إنت مش محور الكون مهما كنت مشهور.
9- مش كل إللي بيضحك في وشك بيحبك، ولا كل إللي بيعدي من جنبك من غير ما يسلم عليك بيكرهك
10- مش شرط الناس تصقفلك عشان تكمل الحاجة اللى بتعملها، لو بتحبها كمِّل فيها حتى لوماحدش إدالك إهتمام أصلاً.
11- عيش حياتك إنت، ماتحاولش تقلد أي حد مهما كانت درجة نجاحه.
12- ماتحاولش تعيش زي بطل فيلم، عشان هو قصة مكتوبة مصممة إنها تعجب كل الناس
13- أول ما تبدأ في المشي، الطريق هايبان، المهم تبدأ.
14- ماتصدقش شاعر، و لو كان برج العقرب اقتله قبل ما يتكلم
15- على قدر العشم يأتي الخازوق.
16- ماتمشيش تدلدق في روحك ورا حد، أياً كان مين.
17- كل حاجة بتعدي، بس وهي بتعدي بتسيب شوية حاجات مابيعدوش.
18- حاول تحافظ علي حلاوة البدايات أطول فترة ممكنة.
19- You are what you believe.
20- فكر و ماتمشيش ورا القطيع، الكثرة مش دليل على صحة المنهج.
21- السمك الميت بيعوم مع التيار، و السمك الصاحي بس هو اللي بيختار طريقه.
22- متسحبش حد من دنيته لو مش هتعرف تزود علي حياته 100 حياه.
23- لو مش هتعشق، ماتحبش ..بالله عليك ماتحب.
24- ملخص علاقات الحب إنك مابتحبش لما تختار، و مش بتختار لما تحب
25- كل واحد فينا جواه قصة غيرته و من ساعتها و هو مش عارف يرجع طبيعي زي الأول
26- Everything comes with a price
، عشان كدة لازم تكون عارف إنت بتستغني عن إيه في سبيل إيه، عشان متندمش
27- لو في يوم اتعلمت الإنسحاب، هتبقى عاده
28- سنانك لما عصبها بيموت إستحالة ترجع تلمع تاني زي الأول .. عامل الناس كلها بالأسلوب ده
29- مفيش حاجة اسمها Forever ، كلنا فترات في حياة بعض غير كده محن وتلزيق
30- كل مشكلة و ليها أكل
31- مشاكلك لو خرجت برا قلبك و حكيتها، يبقى بتزود عليهم واحدة كمان
32- حاول تفرق بين "الچنتلة” و “النحنحة” عشان الأولانية بتخليك مميز و التانية بتخليك ملزق
33- رتب دولاب حياتك كل فترة، و إتبرع بالناس إللى صغرت عليك لناس تانيه تلبسهم
34- شوية الشوية اللي فاضلين عندك، فاضل شوية و هيروحوا
35-‏سنك في البطاقة غير سنك في المرايا غير سنك مع حد بتحبه غير سنك و إنت فرحان غير سنك و إنت زعلان، جوا عمرك عمر تاني..
36- الموت (منبة) ، مظبوط على عمر إللى جنبك، عشان يصحيك إنت
37- الحرام قبل العيب، و ربك قبل الناس
38- ميتين أم الناس و المجتمع.
39- حافظ على كرامتك وماتخليش أي حاجه تأثر عليها أو تخليك تتنازل عنها مهما حصل
40-بلاش الثقة الزيادة فى اى حد خلى فى احتمال للعكس في كل المواقف