ang maganda

9

So ayun po ano! Wassup sa inyo mga tambols! Pinag-overtime ako para kumuha ng stocks, nakakapagod pero sulit naman dahil nakapag gala ako sa Northgate ng pasimple

Hi Ma'am gigil mo ko eh kapagod ng pinapagawa mo pero buti nalang maganda ang mga nakita ko nakapag foodtrip pa at konting sundot ng san mig light haha

anonymous asked:

Masmabuti bang palayain mo ung taong mahal mo kase alam mong may mahal syang iba? O dapat bang ipaglaban mo ung nararamdaman mo para sakanya?

Tingin ko mas maganda kung ipaglalaban at ipapakita mo muna yung nararamdaman mo. Tapos kung iba pa rin ang gusto niya, palayain mo na. Mahirap magmahal ng taong may mahal na iba. Ang maganda lang naman jan is sinubukan mo at wala kang panghihinayangan pagdating sa dulo. Sa buhay talaga kailangan nating tanggapin na hindi lahat ng gusto natin, makukuha natin. Kung totoo naman ang pagmamahal mo, sigurado akong mas pipiliin mo na makita siyang masaya kahit iba ang kasama. Kasi yun naman ang mahalaga diba? Yung masaya siya. Saka ganun talaga ang mga nagmamahal, marunong magparaya.

Move on.

Wag ka mananatili sa isang tao dahil akala mo eh wala ng ibang magmamahal sayo. Palagi mong tatandaan na meron laging kapalit ang lahat ng taong nawawala. Iba man ang itsura, nagkakaiba man paminsan minsan sa ugali, pero pare-parehong kang mamahalin ng mga yan. Dapat mong paniwalaan na deserving ka maging masaya, na hindi ikaw yung taong basta basta lang at paulit-ulit na sasaktan. Kapag hindi na maganda ang pag trato sayo, sige pabayaan mo na. Maniwala ka palagi na may isang tao na magbibigay sayo ng importansya bilang tao, ang taong gagalang sayo at tatratuhin ka sa paraan na gusto mong maramdaman.

Maawa ka sa sarili mo, kapag sobra na ang sakit at patuloy ka pa ring lumalaban, patuloy mo lang na sinasayang ang oras ng iyong buhay. Huwag mo ipagkait ang sarili mo maging masaya. Tandaan mo na hindi sayo magagawa ng isang tao ang isang masamang bagay kapag importante ka sa kanila.

Ngumiti ka, salubungin ang bagong pag-asa. Mag move on na. Sayang ang araw na dapat ikaw ay palaging masaya. Matuto sa mga pinagdaanang problema. Kailangan mo yan. Bigyan mo lahat ng seryosong tao ng tiyansang mahalin ka.

Agpapukis

Note: Ito ay hindi SPG. Ang mga salitang mababanggit dito ay pawang katotohanan lamang - Pinoy

Nakatanggap ako ng report mula sa boss ko na kailangan ko na daw magpagupit. Hindi daw maganda na mahaba ang buhok ko dahil maaaring gayahin ng mga bata. Ang laging nirereklamo ng mga bata na hindi naman daw nakaka apekto ang kanilang buhok sa pag-aaral. Nababawasan daw ba ang talino nila kapag nagpapagupit sila at saan daw na pag-aaral nanggaling na kailangang 2×3 aka student cut ang buhok ng mga lalaki. May neurotansmitter daw ba sa buhok na kapag pinutol ay tumatalino? Pero sa klase ko naiinis ako kapag nakikita ko na hawi nang hawi ang buhok ng mga bata. Like ano ba? Hanggang lupa ba yang haba ng buhok mo at kailangan mong i-flip?

So nagpagupit ako sa sa barbero. Hindi uso sa amin ang salon kasi sa probinsya pangbabae ang mga salon. Kapag lalaki ka, kay Mang Karding ka magpapagupit. Ilokano si Mang Karding kaya naman minsan ay sumesegwey sya ng mga ilokanong salita sa mga ginugupitan nya. Kaya tinanong ko si Mang Karding kung ano ang Ilokano ng magpagupit. Ang sabi nya ay AGPAPUKIS. Nawindang ako ng sobra. Like Mang Karding, ano po ulit yon? Sagot nya ulit ay Agpapukis.

Ibig sabihin MAGPAGUPIT = AGPAPUKIS, tapos ang rootword ay GUPIT = PUKIS.

WAIT. haha. Again Pukis. ONE MORE TIME… PUKIIIIS! Parang ang sagwa kapag kinausap mo ang kaibigan mo tungkol sa kanyang gupit.

FRIEND 1: Uy alam mo ang ganda ng pukis mo ngayon!

FRIEND 2: Patingin naman ako ng pukis mo. *pinatanggal ang cap* ay friend bakit kalbong pukis? HAHA

Parang ang sagwa pero sagana talaga tayo sa ibat ibang salita mula sa mga ibat ibang dialekto. Nakakawindang din talaga ang pakinggan ang salitang pukis. Ibat-ibang klase ng gupit, may layered, may kinulot, may unat, at wait, there’s more. Mamasa-masang pukis (wetlook). Shet diba. Pero mas nakakastress siguro pag narinig mong pinag uusapan nila yon.

CHONA: Uy ang ganda ng pukis mo ngayon! Mukhang mabagong tignan.

CHEDENG: Ikaw nga gusto mo pabago bago ang pukis mo. Minsan gusto mo ng kulot na pukis. Hindi ka nakukuntento sa isang pukis lang.

CHONA: ay true friend. Gusto ko minsan yung unat na pukis, layered pukis, o kaya naman inahit na pukis!

CHEDENG: isa lang ang gusto ko ngayon. Mamasa-masang pukis. (Wetlook).

Kaya naman kapag may nagsabi sayo na maganda ang pukis mo, wag kang magagalit. Malay mo ay Ilokano pala siya at nagagandahan sa gupit mo. Isa siguro sa mga magagandang bagay na mayroon tayong mga pinoy ay ang pagkakaroon ng mga malilikhaing mga salita at dayalekto.

13 Reasons why you need to make “Tigil Na” and say “Tama Na”.

Sa edad kong bente-something, marami na akong nasaksihan at naranasan. Mga pangyayari at karanasan na nagbigay aral hindi lang sakin pati na rin sa kapitbahay namin. Sabi nga nila, lahat ng sobra, masama. Kaya kung feeling mo sobra na, tumigil ka na. H’wag kang bibo Bes, baka mamatay ka ng maaga.

Narito ang iba’t-ibang rason kung bakit kailangan mong mag stop at um-exit sa mga gawaing ‘to.

1.       Kapag mas madalas ka pang uminom ng kape kesa uminom ng tubig. Pagkagising, pagdating sa trabaho, breaktime, lunch, dinner at bago matulog. Hanggang sa unti-unti mong maramdaman ang pagdaloy ng kape sa’yong mga ugat. Paunahan mag-palpitate ang labanan.

2.       Kung sa isang araw ay higit 10-12  hours ang tulog mo. Aba, kilos kilos din. Siguro naman nabuo mo na ang mapa ng Pilipinas sa haba ng naitulog mo. Tama na ‘yun. H’wag mo nang isama ang China. Baka sa sobrang haba ng Great Wall of China, hindi ka na magising.

3.       Itigil mo na ang paglanghap sa mabahong usok na ‘yan kung everytime na makakakitaka ng tambutso ay natetemp kang hithitin ito. H’wag masyadong hayok sa yosi. Baka pati utot mo mag amoy yosi na … pero may usok.

4.       Medyo awat na sa kanin kung nakakaubos ka na ng isang sako ng rice kada araw at kung napapansin mong sinusungitan ka na ng mga empleyado sa Mang Inasal. Maawa ka sa kanila, baka mawalan sila ng trabaho.

5.       Iwasan mo na ang pag-contact ng mga friends mo kung nagkakasugat ka na sa ilong. Baka sa dalas ng pangungulangot mo, magkaroon na ng muscles ang mga daliri mo.

6.       Iwasan mo na ang pag-snob sa mga upuang may sandalan at gamitin ito sa tamang paraan. Maganda ka nga kaso kuba ka naman. Baka sa sobrang pangit ng posture mo, mapagkamalan kang si Imang at sabitan ka ng Kampana. Akalain pa nilang may shooting ng Kampaneran Kuba.

7.       Hinay-hinay sa pag da-diet bes. Hindi masama ang carbs paminsan-minsan. Baka imbis na pumayat ka, pumanaw ka.

8.       Tigilan mo na ang pagsisinungaling. Hindi maganda ‘yan lalo na kung may tao ka nang nasasaktan. Seryoso, maniwala ka sa karma. Baka ma-meet mo ‘sya (karma) sa work or minsan habang nakasakay ka sa elevator.

9.       Kapag napapansin mong mas marami ka pang guhit kumpara sa ampalaya. H’wag masyadong serious sa buhay. Matuto kang ngumiti at tumawa. Baka sa sobrang bitter mo sa buhay, hindi ka magka-lovelife.

10.   Kapag tuwing na-uuhaw ka ay alak agad ang hanap mo. Tandaan mo, may curfew na ang mga alak sa 7’11. Baka mamatay ka sa uhaw kapag inabot ka ng alas-dose ng gabi sa daan. Mag tubig ka nalang. Hindi ka mauubusan. Maraming alulod ang may stock na tubig. With real bits of ebs ng pusa.

11.   Kung napapansin mong mas marami pa ang utos ng jowa mo kesa sa utos ng Diyos. H’wag kang uto-uto. Hindi ka ipinanganak ng parents mo para lang sumunod sa utos ng iba.

12.   Awat na sa paglandi. Ang pakikipag-momol ay ginagawa lang ng mga taong mag-syota at mag-asawa, hindi ‘yung nakilala mo lang sa harap ng cellphone mo. Kung saan-saan ka pa nakakarating makatikim lang ng laman. Baka hindi ka na makilala ng mga kaibigan mo.

13.   Kapag paulit ulit nalang ang nangyayari. Bumitaw ka na. Mahirap ‘yung palagi nalang umaasa sa wala. Sa walang kasiguraduhan. Lalo na kung hindi mo naman talaga nararamdaman na mahal ka n’ya. Love is not an ultimatum na pipilitin kang gawin ‘yung bagay na ayaw mong gawin. Hindi ka n’ya sasaktan at sisigawan kung talagang mahal ka n’ya. Idagdag mo ‘yan sa mga rason kung bakit hindi mo dapat gawing mundo ang isang taong katulad n’ya.  

Kaya kung sa tingin mo ay nakaka-relate ka sa mga gawain ito, then stand up! Itaas ang kanang kamay at sabihing “Tama na. Ayoko na.”

Dumating ‘yong araw na tumigil ako sa paghahanap. Dumating ‘yong araw na hinayaan ko na lang na lumipas ang panahon at umasang may dadating bigla sa buhay ko. Naniniwala akong marami ang taong handang magmahal, still mamimili ka sa mga taong ‘yon ng hindi mo pagsisisihan sa dahilang pang habambuhay na commitment ‘yon eh. Hindi ako naghahanap ng relasyon para sa landi lang. Kumbaga eto na ‘yon eh.. eto na ‘yong edad na kailangan may makilala na. Pero kung wala pa talaga alam ko namang sobrang aga pa para doon lalo na’t umaayon ang ikot ng mundo sa buhay ko ngayon.

 Pero ayaw ko dumating yung time na mawala lahat at nakakilala na rin ng iba yung mga gusto ko at mga kasabayan ko. Ang hirap kasi nung alam mong wala namang mali sa ‘yo at ‘yong hinahanap nung mga gusto mo eh nasa ‘yo pero still napag iiwanan ka at nakakalimutan nila. Well siguro maganda ang plan ni God at siguro sinasabi niya na “Anak, Im giving you the chance to enjoy life being single. Have faith in me. Darating din sya sa buhay mo. Feel ko ganun.. yeah.. siguro nga.

Displacement

Naniniwala ako na madaling magalit ang mga Pinoy. Bakit? Subukan mong dalhin ito sa EDSA sa oras ng uwian. Mula Balintawak hanggang Pasay, tignan ko lang kung hindi mastress ang kasama mo lalo na kung nakikipaglaban ito sa kanyang kumukulong tyan. O kaya naman sabihin mo sa girlfriend mo na ang taba-taba na nya, tignan mo lang kung hindi dumanak ng dugo na sisimulan pa ng World War III ang mangyayari sa inyo. Magbiro ka na sa lasing, magbiro ka na sa bagong gising, huwag lang sa girlfriend mong mala-armalite ang bibig!

Kaya naman may mga bagay tayong napagdidiskitahan kapag galit tayo. Ilan na ba ang sumalangit na ballpen, lapis, pangkulay ang inupod mo para lamang ilabas ang galit mo kapag pinapagalitan ka ng teacher mo? Nasiraan ka na ba ng mouse sa trabaho dahil sa sobrang galit mo sa irate na caller? Ilang gamit na ba sa bahay ang nasira mo na mala-Beyonce sa Pretty Hurts music video nito dahil sa sobrang tindi ng emosyon mo? Kabayan, Displacement ang tawag dyan. Ayon sa libro ni Sigmund Freud na Introductory Lectures on Psychoanalysis, ang displacement ay isang defense mechanism kung saan dinederekta natin ang ating emosyon hindi sa tao o bagay na nagtitrigger dito kundi sa ibang pwedeng isubstitute. Sige nga! Subukan mong sagutin ang teacher mo lalo na kung nasa highest level na ang galit nito, tignan lang natin kung hindi mamula ng 75 ang grade mo sa card. Murahin mo nga din yung mga pesteng irate customers na yan na parang ikaw ang may kasalanan kaya nagkandaleche-leche ang produkto nila. Tignan natin kung hindi ka masipa palabas ng inyong company.

Tumutulong ang displacement para maiwasan nating ilabas ang ating sama ng loob sa mga taong nagpapagalit sayo subalit hindi mo naman magawang direktang magalit sa kanya. Sinabi ni Eric Berne sa kanyang libro na A Layman’s Guide to Psychiatry and Psychoanalysis (1976) na nilalabas natin ang ating galit sa mga taong alam natin na nakakaya natin. Sabagay, hindi naman pwede na ilaban natin ang galit natin sa ating boss, sa magulang natin o kaya naman kay Mr. President. Kaya kung mas nakakataas ang nagalit sa atin, ibubuhos natin ang ating galit sa isang substitute na kinakaya natin. Kaya nga diba sa mga palabas, kapag galit na galit na ang kontrabida dahil pinasabog na nya ang kotse ng bida, pinaulanan ng baril, binaril ng water gun, naghagisan ng balut at kung anu-ano pang mga nakakasindak na pangyayari sa Ika Anim na Utos, kapag natatalo ang kontrabida, ng mga goons ang pinagdidiskitahan nya. Kung gusto mo ng patunay, panuorin mo ang mga pelikula nila Fernando Poe Jr. at Eddie Garcia.

Ayon sa akda ni David Straker na Changing Minds (2013), nagaganap ang displacement kapag gustong gawin ng Id natin ang mga bagay na pinagbabawal ng ating Superego. Ang ating ego naman ang gumagawa ng paraan para ilabas ang nararamdaman ng ating Id. Nakakatulong ang displacement upang maiwasan ang na lalong magkaroon ng kaguluhan. Halimbawa, pinagalitan ka ng iyong nanay dahil ginabi ka na umuwi dahil sa mga activities nyo. Pagod na pagod ka na nga sa school, pagagalitan ka pa sa bahay. Laslas na mga bes. Pero instead na sagutin mo ang iyong nanay, idadaan mo na lang sa stress eating ang lahat. Nag-away kayo ng girlfriend mo dahil hindi mo na sya tinatag sa memes sa facebook, kesa magalit ka sa girlfriend mo at lumala ang away nyo, pagdidiskitahan mo na lang yung pader para suntukin sa inis. *babala: nakakasira ng relasyon ang memes sa facebook*

Nakakalungkot lang na epekto ng displacement ang domino effect nito sa mga tao. Halimbawa ay pinagalitan si Ashton ng kanyang boss dahil sa palpak nitong presentation. Sa sobrang galit ni Ashton ay nilabas nito ang galit sa kanyang asawa na si Holly. Sinigawan nya ito. Dahil nagsaktan si Holly ay magagalit ito sa kanyang anak na si AshHol. Dahil hindi nakapagsalita si AshHol ay yung kanilang aso na lang ang kanyang pinagdiskitahan. Hindi naging maganda ang resulta ng displacement sa pamilya nila Ashton, Holly at AshHol.

Isa pang halimbawa na pinaka masalimuot sa lahat ng masalimuot ang pagiging isang REBOUND! Ang isang lalaki na iniwan ng kanyang girlfriend ay maaaring lumabas kasama ng ibang babae at maging rebound ito. Dahil hindi na nya kayang maging sweet sa ex nya ay sayo na nya ibibigay yung oras nya. PAAASAHIN KA. IBIBIGAY ANG ORAS AT ATENSYON SAYO. LAGING TINETEXT KA. LAGING TINATAWAGAN. SWEET NA SWEET SAYO. TAPOS PAG BUMALIK YUNG EX NYA. ANO YUN? PARANG BULA?

OLAF: Kumusta ka na? Oo, nagkabalikan na kami ni Kim. Huwag mo sanang isipin na rebound kita ha. Kahit na alam mo na pinapaasa lang kita at kapag bored ako at saka lang kita itetext. Alam ko naman kasi na mahal mo ako at nagpapakatanga ka sa akin. Kaya wala akong ibang choice na patulan ka kasi sad ako.

POOH: k

OLAF: kumusta ka na ba?

POOH: k lang. Mahangin dito.

OLAF: Mahangin? Nasaan ka ba?

POOH: Nasa ere. Diba iniwan mo ko.

Masyado kang mabait para masaktan.

Ayan, dito mo naman makikita yung mga taong na friendzoned. Sa sobrang bait mo sa kanila, ayaw ka nila i take as risk para sa relasyon. Minsan kaya naman talaga nila makipag relasyon sayo eh. Kaso nga ayaw nila mawalan ng isang mabuting tao sa kanila if ever hindi naging maganda ang takbo ng relasyon. Minsan kasi akala natin kaya natin eh. Pero sa huli maglalabasan ang mga ugali na hindi naipakita dahil nga magkaibigan lang naman kayo. Napaka ironic na ganun minsan ang nangyayari no? Tipong all you want is the best for them still sa huli hindi mo nakukuha yung bagay na gusto mo if ever na ma fall ka dun sa tao na yun.

Minsan naiisip ko, kaya siguro madalas nasasaktan yung mga tao kasi patuloy silang nag tatake risk sa taong hindi naman ganung ka OK. Kasi dun sila nag sesettle sa taong hindi naman masama pero medyo bad boy. Yun bang mga taong worth the risk. Tipong mawala man, edi ok lang. Pero kung mapatino nila edi mas ok.

At yung mga mababait, ayun. Patuloy na nagbibigay lang ng payo. Patuloy na nasa likod lang at naka masid sa taong mahal niya at pinapangarap niya na nasasaktan lang kasama yung taong “Worth the risk”.

Dahil nga ba “We accept the love we think we deserve?” o gusto mo lang i explore ang iba’t-ibang tao kung ano mai ooffer nila sayo? Sino nga rin naman tayo para husgahan yung mga medyo bad boy diba? Basta ang alam natin masama sila kasi sinasaktan nila at hindi binibigyan ng importansya ang taong pinapahalagahan mo.

Denial

Hindi lahat ng bagay ay pabor sa atin. Kumbaga, hindi lahat ng gusto mo ay masusunod. Halimbawa, kung gusto mong maging matagumpay na tao pero mas mahal mo pa ang Dota kesa sa pag aaral at bumabagsak ang grades mo, tyak mahihirapan kang makamit ang gusto mo. Aba, hindi lahat makukuha mo. At hindi rin lahat ng maganda sa pandinig mo ay tama. Maaaring isa lang tong malaking kasinungalingan tulad ng pambobola sayo ng kaibigan mo kapag mangungutang sa sayo.

Ang tendency tuloy nating mga Pilipino ay piliin ang maganda at ilayo ang pangit. Kaya kung nilalayuan ka na ng ibang tao. Aba, tingin tingin din sa salamin. Hindi, biro lang kabayan. Kapag may mga bagay na hindi maganda, hindi natin to tinatanggap. In denial ang peg mo.

Tulad noong sinabi ko kahapon tungkol sa kaibigan kong si Jacob. Mamamatay na ang tatay nila pero hindi nya nila iyon matanggap kaya naman iniisip nila na “hindi, lalakas pa si tatay. Kaya nga nyang tumayo pa”. Masaklap na katotohanan na mamamatay na ang tatay nila dahil malubha na ang karamdaman nito. At dahil hindi nila ito matanggap ay pinapalitan nila ang pangit na katotohanan na magpapalubag sa kanilang dinaramdaman. Ayun! Denial.

Balikan natin ang psychoanalyst na si Sigmund Freud, sabi nya na ang denial ay isang defense mechanism kung saan hindi niya tinatanggap ang masaklap na katotohanan at nirereject nya ito. Pilit nyang sinasabing hindi ito totoo sa kabila ng mga ebidensyang nakaharap sa kanya. Kaya kung madaming tao na nagsasabing hiwalayan mo na ang boyfriend mo kasi may iba na sya, ikaw naman ay todo tanggi na hindi yun totoo, na mahal na mahal ka ng boyfriend mo mga bwakang ina kayo wag nyong pakielaman ang lovelife ko! Ayun nga ate, nasa denial stage ka. O kaya naman kahit sandamakmak na ang ebidensya na corrupt si Congressman Nacao ay marami paring tao ang naniniwalang totoong tao sya sa kabila ng mga kabit nya, drug operations at mga fake news na nilalabas nya. In denial nga!

Ayon sa Journal of Clinical Oncology ni Rayson na On Denying Denial (2013), iba’t ibang klase ang denial ng tao. Maaaring ayaw mo lang tanggapin ang totoo na may iba na sya at hindi ka na nya mahal. Sabi nga sa kanta ng Repablikan na Kabet: “O kay sakit namang isipin na sa puso mo ako'y pangalawa. Stupeeeeeeed”. Maaring hindi mo matanggap na nagmumukha ka nang matanda. Minimisation naman ang tawag kung tinatanggap mo ang totoo ngunit dinedeny mo parin ito.

Friend: Ui girl, wag ka mooffend ha pero parang tumataba ka na.

Me: ano ka ba friend, hindi naman. Kita mo oh, suot suot ko pa yung niregalo ng boyfriend mo sa akin na dress. Ahihihi

Friend: seryoso girl, parang ang laki ng braso mo ngayon.

Me: *tumayo sabay naglabas ng baril at tinutok sa kaibigan* SASABIHIN MO PA BANG MATABA AKO O GUSTO MONG KUMALAT ANG UTAK MO DITOOOOO!!!!

Pagdating mo sa bahay ay tinignan mo ang sarili mo sa salamin. Naisip mo na sikip na sikip ka na sa damit na suot mo pero hindi mo parin matanggap na tumataba ka na.

Sa librong nilabas ni Sirri at Fava na International Review of Psychiatry (2013), pinaliwanag nila na sa ibat ibang klase ng denial mag uugnay pa din ito sa resulta na ayaw nating tanggapin ang totoo. Maraming klase ng denial at iisa lang ang pinapatunguhan nito. Ayaw natin sa katotohanang nalalaman natin.

Denial of fact kapag ayaw mong tanggapin na laos ka na. Hindi ka na sikat. Hindi ka na kilala ng ibang tao. Denial of fact kapag alam mo na fake news lang ang Mocha Uson blog pero naniniwala ka parin na kasalanan lahat ito ng dilawan.

Denial of impact naman kung denedeny mo ang isang bagay dahil guilty ka. Mahal mo parin ang ex ko na ex mo na ex ng buong bayan! Dahil sayo kaya naghiwalay ang kaibigan mo at ang boyfriend nya. Pero sinasabi mo na hindi ikaw ang dahilan pero deep inside, naaawa ka sa kaibigan mo dahil inahas mo sya pero at the same time natutuwa ka kasi makukuha mo na ang boyfriend nya. Galing galing!

Denial of awareness naman kapag alam mong aware ka sa mga nangyayari subalit dinedema mo lang ito. Tulad ng tinatanong ka ng mga tao kung kayo na ba ng classmate mo. Sasabihin mo “Friends lang kami”. Tinalo nyo pa ang KathNiel sa mga ganitong eksena.

Denial of Responsibility naman kung nagfail ka sa ibang bagay pero hindi mo ito matanggap. Example, bumagsak kayo sa inyong thesis at kailangan nyong umulit. Sasabihin nyo na “naku maganda naman ang gawa natin. Maarte lang yang prof na yan. Balita ko nga may nilalandi yan sa ibang college at nagsoSogo daw!”. O kaya naman sisisihin mo ang classmate mo na walang tinulong at tagabili lang ng meryenda kapag gawaan ng thesis. Dahil bumagsak kayo ay hindi mo matanggap na nagkulang nga kayo.

Hindi naman talaga lahat ng bagay ay pabor sa atin. Nasa atin naman yan kung paano natin ihahandle ang mga sitwasyon. Tamang gabay lang at management ang kailangan natin para maging maayos ang lahat. Ikaw ba? Nasa denial stage ka ba ng buhay mo?

To all Girls out'der.

Girls know your worth. You are worthy. Know your Standards. You are high standard.

You don’t need to chase, to lower your standard just to have someone. Kaya tayo naloloko eh, kaya tayo natetaken for granted kasi minsan, tayo din gumagawa ng dahilan ng mga boys para pagsamantalahan tayo (na hindi naman talaga dapat at never maging dapat)

Di mo kailangang magpapansin kasi ang tunay na maganda effortless, di kailangang magpapansin kasi natural na napapansin. Trabaho ng lalaki ang suyuin ka hindi yung ikaw yung effort ng effort to the point na sobra na at halatado na. Nawawala na yung pagka demure at mas nagiging mukha ng desperada.

Why can’t I stay mad at people?

Living in this world is so damn complicated. Especially pag sobrang bait mo. Naaabuso nila ‘yung pagiging soft-hearted mo. Hindi lang minsan kundi parati. Minsan kasi may mga taong makapagsalita akala ko wala silang nasasaktan na tao. Akala nila simpleng sorry lang mabubura na nila sa utak mo ‘yung mga salotang hindi mo aakalaing masasabi nila.

Pero alam niyo ‘yung mas complicated, sa sobrang bait mo mas nanaig ‘yung pagiging forgiving mo kaya minsan nami-misunderstand nila na akala nila hindi ka nila nasasaktan kaya uulitin nila and then for the second time around papatawarin mo lang sila ulit kasi ‘yun ka eh you’re living in the world na sobrang chill sa life hindi marunong magtanim ng galit. And I don’t like living this world na may kagalit , masyadong maganda ang life para makulong ka sa isang situation na ikaw lang naman ang gumagawa para mas maging complicated ito lalo.

Walang maganda maganda sa pag-ibig. Kahit gaano ka pa kaganda o kabait, pag natapat ka sa manloloko… lolokohin at lolokohin ka. Bonus mo na pag may kasamang babaeng abangers na malandi. Walang kamatayang linya na “daig ng malandi ang maganda”. Sayong sayo na sya girl. Saksak mo sa lungs mo hihi. Weak naman yang lalaking yan, nagpadala naman agad.

Anger pt.II

Naniniwala ako na kapag galit ang isang tao ay may mga bagay syang nasasabi na hindi dapat sabihin. Nakakapagbitaw tayo ng mga hindi magagandang mga salita sa ating kapwa na nagreresulta ng alitan at hindi pagkakaintindihan. Kaya kung galit na galit ka sa isang tao, huminga ka nang malalim at count to ten. Kapag hindi parin, inhale and exhale lang tapos count to ten ng count to ten lang. Hanggang sa mawala ang galit mo.

Ang tanong, dahil ba kasali ang Anger sa 7 Deadly Sins ay automatic ba na may slot ka na sa impyerno kapag magalit ka? Ang sagot ay hindi. Pero kung magagalit ka at maaapektuhan ang mga tao sa paligid mo, aba, ngayon palang ay nakareserve na ang isang VIP room mo sa hell. Kaya kung aaraw-arawan mo ang pagiging galit ng walang dahilan, aba more chances of winning ka ng trip to hell. Cool!

Ayon kay Fernandez sa kanyang akda na The Angry Personality: A Representation on Six Dimension of Anger Expression (2008), may tatlong klase ng galit na nagaganap sa buhay natin, ito ang passive anger, aggressive anger at assertive anger.

PASSIVE ANGER - ito ay isang behavior kung saan nagagalit ka sa kapwa mo pero umiiwas ka sa confrontation. Hindi mo masabi sa kanila na galit ka kahit gusto mo na silang sampalin, sipain, tadyakan at patayin sa galit. Narito ang ilan sa mga paraan para maipakita ang passive anger:

1. Dispassion - dito ay pinapakita mo sa mga tao na nasa paligid mo na ang cold mo sa kanila (malamig pa sa pakikitungo ng jowa mo sayo), wala kang pakielam sa kanila at lagi kang may fake smile sa kanila na nakasmile ka outside pero sa isip mo, sinaksak mo na sila ng 121 times. Kaya dispassion ang ginagawa sayo ng jowa mo kapag sobrang cold nya sayo. Hindi mo makausap ng ayos at lagi nyang sinasabing okay lang sila. Sila yung mga klase ng tao na kikimkimin na lang ang kanilang nararamdaman para maiwasan ang away o lumala yung away.

Boyfie: Hon, kausapin mo naman ako. Bakit ba ang tahimik mo?

Girlfie: *tahimik*

Boyfie: Hon, ano ba? Kausapin mo naman ako oh. Ayoko ng ganito tayo. Please.

Girlfie: uhhmmmm *with matching irap*

Boyfie: Hon, hindi ako sanay na ganito ka. Talk to me please?

Girlfie: UNANG UNA BWAKANG INA MO, HINDI HON ANG TAWAG MO SA AKIN KUNDI BABE! BWAKANG INA MO SINO YUNG NAKITA KONG FRED SA INBOX MO? ANO YUNG LALAKING KAIBIGAN MO LANG PERO NAGMEMESSAGE NA VIDEOCALL AT SEND NUDES KAYO??? TAPOS BOSES BABAE YUNG FRED? ANO? LALAKI SI FRED NA TINUBUAN NG PEKPEK??? SUMAGOOOOT KA!!

Kaya may ilan na umiiwas na lamang sa confrontation para hindi na lumawak pa ang problema o anumang hindi maganda ang magiging resulta.

2. Evasiveness - ito ay nangyayari kapag tinatalikuran mo ang kaibigan mo sa oras na kailangan ka nya para makaganti, umiiwas sa conflict at hindi ka na nakikipagtalo. Halimbawa ay humihingi ng tulong sayo ang kaibigan mo dahil nagigipit na sya sa sitwasyon.

Girl 1: bessy, help mo naman ako. Sino ba ang pipiliin ko, si Mark na mahal ko o si Joshua na mahal ako?

Girl 2: bahala kang mamili, naghahanap pa ako ng ka-match dito sa Tinder.

Girl 1: bessy, ano ba. Hirap na hirap na ako. Di ko kaya ang dalawang lalaki sa buhay ko.

Girl 2: *tinigil ang pagsuswipe sa Tinder* HOY, UNANG UNA KONTING RESPETO LANG NAMAN KASI AKO NAGHAHANAP NG LOVELIFE, IKAW NAMAN PINOPROBLEMA MO KUNG SINO ANG PIPILIIN MO. ABA! HINDI KA NA BA NAKUNTENTO NUNG INAGAW MO ANG EX KO NA EX MO NA EX NG BUONG CAMPUS?? NGAYON HIHINGI KA NG TULONG SA AKIN? ANO YANG KALANTUTAY MO? BASTA MAY HOTDOG KUSANG BUMUBUKA? TRY MO KAYANG PAGSABAYIN DAHIL MALANDI KA NAMAN! BAHALA KA NA SA BUHAY MO! *sabay walk out*

Pero seryoso, Evasiveness behavior ang ginagawa mo kapag gusto mong iwasan ang mga taong nakasakit sayo.

3. Defeatism - ito ay isang behaviour kung saan, sa tulong mo ay mapapabagsak mo ang buong grupo nyo. Ito ay kung saan kung papalpak ka, dapat lahat ay damay damay. Halimbawa nito ay sinabotahe mo ang project nyo dahil hindi ikaw ang naging leader ng group nyo. Para mapunta sa leader nyo ang blame.

4. Psychological Manipulation - ito ay behavior kung saan sa iba mo pinapasa ang iyong galit para sila ang magalit sa taong nakapanakit ng damdamin mo. Halimbawa nito ay tsinismis mo ang kaibigan mo isang issue para masira ang image nung taong biktima mo.

Girl 1: yes bes, trulaloo, napakalandi nya talaga, biro mo nilandi na si Daniel, pati ba naman si James, ngayon si Enrique. Balita ko nga nilalandi na din nya yung boyfriend mong si Alden.

Girl 2: frend, grabe namang issue yan. Totoo ba?

Girl 1: oo, at alam mo pa ba ang sabi nya? Kinakalat nya na ang itim daw ng singit mo kasi nakita ka daw nya na nakapanty lang. Ang luwag daw ng gater, sing luwag daw ng anez mo!

Girl 2: *naniwala kay girl 1* Bwakang ina nya! Makikita nya makikita nya. Ipopost ko sa fb yung scandal nila ni Piolo Askal! Napakawalang hiya nya talaga. Akala ko friend ko sya! Humanda sya sa akin! Itatag ko parents nyaaaaaa! Bwahahaha!

5. Secretive Behavior - ito ay isang reaction kung saan may lihim kang agenda sa mga ginagawa mo. Maaaring nagpapaawa ka o kaya naman ay nagiging mabait ka sa mga taong tinuturing mong kaaway. Halimbawa ay nagpost ka sa facebook ng status mo.

Guys, im sorry, im such a failure. Ang ginawa ko lang naman ay maging isang mabuting kaibigan pero bakit niloko parin ako. Akala ko ba kaibigan kita. Im going to deactivate this account na so im sorry sa mga hindi makakakita sa mga selfies ko. Wag kayong mag alala, love ko kayo kahit inaaway ako ng mga friends ko. #NoHate #NotYourFriendAnymore #ILoveYouGoodbye #SarapNgPinoy #Asian #CuteGirl #SexForHire #SpankMeDaddy #AuqOehNuah

Kung paano man natin iparating ang ating saloobin sa pamamaraan ng galit ay lagi nating tatandaan ang epekto nito sa ating kapwa. Ano ang impact nito na magagawa sa kanila at ang anong tingin ng tao sa gagawin mo ay bibitawan mong mga salita. Madami na tayong problema sa mundo, wag mong hayaang lamunin ka ng galit.