حي الله اللي زانت عيني بشوفه
حي الله اللي غاب عني ولا غاب
لا غاب عني وافيات طيوفه
تقلط وصدري دونها ماله ابواب
ي مرحبا و المرحبا ما تطوفه
باللي خطف قلبي وخاطف الباب
ترحيبه ما جا من وراها حسوفه
ما جا سوى حكي الحبايب للاحباب
باللي اببطي والله اني ما اعوفه
حتى لو ان عمري قضى وعارضي شاب
ببقى احبه لين تسمح ظروفه
لين ربي يكتب لـ حبي الاسباب
واصير دنياه و أمانه و خوفه
واصير نمبر ون وما نحسب حساب
والله وانا سلطان ولا به نكوفه
إني لأخسي كل عاذل و كذاب
واحب عينه والعواذل تحوفه
و أسكنه مابين عيني و الاهداب
ي سعد عين اللي بعينه يشوفه
عز الله إن الحظ مشرع له الباب
س.ع
