‏من شخص غريب، إلى عالم بأكمله

وفي تلك الأجواء الخافتة في حجرتها لم تتمالك إحساس الشفقة على حالها وانهارت باكية وهي تفكر لمتى يظل المرء هشًا هكذا؟

متى نصير مثلهم لا تكسرنا الكلمات ولا تهشم خواطرنا المواقف؟

ما نحن بحاجته مراعاة نفسية أكثر من أي شئ آخر ..

وكل ما نطلبه يومًا اللطف والرفق بحالنا .. 🤎🌿🥀

الجمعة ١٤/٧/٢٠٢٣

هو ازاي لحد دلوقتي في مكاتب وشركات شايفة أنه طبيعي جدا يكون مرتبك 3000 جنيه كمهندس مع انك اشتغلت فترة كبيرة من 2019 لكن ازاي لازم كل لما تروح تقدم يقولك ما انت كنت شغال في مجال تاني فهعتبرك فريش ازاي بجد التخلف دا بيحصل و ليك يوم إجازة الجمعة في الأسبوع و ٩ ساعات شغل وهروح مواصلات رايح راجع يعني ٤ مواصلات في اليوم والله مصر دي من إحدى العجائب فعلا يعني بالدولار أقل من ١٠٠ دولار في الشهر تقدر تشتري بيهم بني آدم تتحكم فيه وتبهدله وكمان ميقدرش يكفي مصاريفه مش هقولك مصاريف البيت وأهله

خسارة بجد الدراسة والتعب والمجهود وبصراحة مش عارفة أقبل ولا أقعد في البيت بكرامتي ؟!

كل يوم بقول ياريت لا كنت اتعلمت ولا حاجة كانت كل مذاكرتي من وانا صغيرة تكون لغة أو جرافيك أو برمجة أي حاجة طالما الشهادة ممكن تتعمل ورق حلو اوي لأحلى فلافل وملهاش لازمة مصاريف المدارس والكليات وحرقة اعصاب امتحانات وثانوية عامة ونطلع من الأوائل طول دراستنا وتوتر واستنزاف نفسي وجسدي

حسبنا الله ونعم الوكيل

الله المستعان

مش عارفة بجد المفروض اقول ايه ولا اتصرف ازاي والقاعدة في البيت للأسف مسببة أزمة كبيرة جدا جدا

وكذلك على بعد ألف ميل منه 🤎❄️🍂

من ضمن الأسئلة الي بتراودني بعد منتصف الليل ..

ليه ممكن إنسان سوي يمد إيده على أقرب إنسانة ليه ؟ خاصة لما النقاش يتعلق بمستقبله ومصلحته قبل اي شئ لمجرد إن الكلام مش عاجبه ومش على هواه رغم علمه بإصابتها وبيضربها بجبروت وفي نفس الأماكن المصابة وصوت عالي وأسلوب صعب

ليه مينفعش النقاش يكون بهدوء ؟

وازاي توصل انسان يطلب الحب ؟ ويكون ردك مش هقول حاجة مش حاسس بيها ..

طيب ليه ارتبط بيه من الأول ؟؟؟ طالما انت بخيل في مشاعرك

وانك تصرف عليها أكل وشرب يبقى عامل الواجب اي حاجة تانية حتى وهي مش بتشتغل مع انها بتدور ولما كانت بتشتغل عمرها ما طلبت حاجة فتسيبها من غير ولا مليم وهي ملزمة بيها ازاي مش عارفة اتصرفي والله يسهلك

الراجل لما بيحب أعتقد بيكون إنسان حنين وييتقي ربنا في الإنسانة الي معاه

في ناس بتطفي الي معاها حرفيا وتخليه انسان باهت جدا ممكن تكون شخصية طموحة جدا بس بمجرد ما توصل انك تحب شخص تشحت منه المشاعر هتتحول لشخصية كئيبة وضلمة وبتفكر امتى الحياة تنتهي خاصة لما يكون والدها متوفي وملهاش حد في أهلها يجيب حقها لإنهم ناس مسالمة عيشي وارضي ما كل الناس عايشة بجد الوحد نفسه يسافر اي حتة ويشتغل يغسل صحون اهون من الذل أو أنه يجراله حاجة

بجد أوعى ترتبط بإنسان بتحبه لازم العقل ثم العقل ثم العقل

القلب دا سبب كل المصايب وعلى رأي الست " العيب فيكم يا في حبايبكم" 🤎

لما يوصلها للحالة الي تشحت الكلمة الحلوة واعتقد البيوت مش أكل وشرب بس وإلا كانت البنات فضلت في بيوت أهلها معززة مكرمة

بس المجتمع مش بيسيب بنت في حالها ولا هي في بيت اهلها ولا في اي حتة ولا حتى لما تموت

#خواطر_منتصف_الليل🤎🕊️

مهندسة كهرباء باور

اشتغلت معظم فترتي كمهندسة ميكانيكا SOLIDWORKS و autocad

وكنت PR و HR وبعمل عروض الاسعار وبطلع الشركات اتكلم معاهم واعمل شغل تبع المصنع الي شغالة فيه وارفع المقاسات بنفسي

واشتغلت في مكتب فني كهرباء واشتغلت وانا بدرس فترة كمهندسة plc و scada

محتاجة ألاقي شغل ضروري وتعبت من كتر ما بعت ايميلات ودورت بقالي فترة طويلة جدا

وحتى الي موجود في مجالي مرتبات غير آدامية مع المسؤوليات الي الواحد شايلها وهم البيت

حقيقي عندي استعداد اشتغل اي حاجة بس على الأقل تكون مناسبة ماديا وسط الأوضاع الي بنمر بيها

و فضلت ٣ سنين شغالة مهندسة في مصنع بمرتب ميكفيش حتى اسبوع ومن غير زيادات ولا اي حاجة ولا اجازة واقول أحسن من قعدة البيت لحد ما صحتي راحت وكنت بتهلك وشايلة الشغل حرفيا من الصبح ل بالليل وفي منطقة بعيدة جدا عن بيتي وصناعية وصحراء والبنت الوحيدة وسط عمال وصنايعية والكل بيقول بميت راجل بس في الآخر مفيش تقدير نهائي ومظبطة شغلي والعملاء كلهم بيشكروا فيا وشركات كبيرة بتحب تتعامل معاهم بسببي وفي الآخر ولا حاجة ومرتب أقل من مرتب اي فني لدرجة الواحد ندم على شهادته وعمره الي ضاع فيها

وطبعا حالتي نفسيا بقت سيئة ومعنديش شغل وقاعدة في البيت وكله لازم علاقات ووسايط ولا عارفة ألاقي شغل لا جوه ولا بره حقيقي تعبت

ونفسي أشتغل بطريقة آدامية

أكتب كملاذ أخير لعله ينقذني من الغرق بظلامي السحيق ..

أستجدي قشة في محيط لا قرار له ..

هربًا من الحياة.. ومن روحي التائهة بحثًا عن دفء العائلة..

لم أعرفه يومًا تمنيت وقت مناجاتي لنفسي لو أعرف ما معنى الأسرة ؟؟

أعيش في غرفتي منذ سنوات داخل منزلنا

وحتى الآن نتعامل كغرباء ..

عدا إن السنوات الأخيرة أصبح وجودي عبئًا ثقيلًا ..

حتى إنني تخيلت كيف تكون حياتهم - من دوني- أفضل وتلك الغرفة خالية إلا من زائر كان يومًا عابرًا بها .. 🤎

مساء التاسع والعشرين من حزيران عام ألفين وواحد وعشرين 🤎🍂

الدفء الكامن في التفاصيل 💚🍂 كافي ليغير عالمنا الرمادي

بعيدا عن الهاوية .. وبعيدا عن ارواحنا المتهالكة

فنحن نتمنى الإنتماء لشئ ما في النهاية .. حتى إذا خبأنا الحقيقة في التفاصيل التي لن يرى جمالها سوانا 🤎

ذلك يشعرنا بالتميز في رحلة البحث عن من يتشابه جوهره معنا 💙🍂

بالأمس كنت مترددة من السماح لها برسم المجهول بالحناء على يدي ..

وفي أثناء تجوالي مررت بها مرارا وتكرارا حتى عقدت العزم على شكل ما احتفظت به على هاتفي من مدة طويلة ..

وبعدما انهت لمساتها الأخيرة سكنت اتأملها 🍂🤎

قمر وشمس وكوكب ونجمة وحرف من أسمي كلها اجتمعت معا لعلها تضئ ولو جزءا ضئيلا من روحي وسط ذلك الظلام الدامس 🤎

احاول تجنب عزلتي فالأمر صار موحشا

بينما أكتب تنهال قطرات المطر وفتحت أبواب السماء 💚 في منتصف حزيران

ك تائه يتمنى إنتشاله من عاصفة رملية 🤎 وك غريق خذلته القشة

ك طاولة خالية في مقهى مزدحم يأبى العابرين الإلتفات لها ..

ك عيون ذبلت رغم بسمة شفتيها

ذلك قلبي 🍂

١١/٦/٢٠٢١

الجمعة🤎🍂

أصبحت خريفية الروح في ريعان الربيع🍂🤎

أعود إلى تلك الحجرة المغلقة كل يوم على مدار سنوات حياتي..

لكنني في الحقيقة لم اعد مطلقا إلى البيت منذ فترة طويلة..

١٤ نوفمبر ٢٠٢٠

لم أعتد الكتابة في منتصف اليوم..

لكن الحال سئ ولا شئ يوحي بتحسنه قريبا ..

سئمت البكاء والغصة بصدري تأكل ما تبقى مني ..

ووسط كل ما أشعر به مازلت أرسم تلك الصورة المتفائلة لي وبذل جهدي لدفن ما أشعر به في المجهول ..

ألا يوجد مخرج من تلك الدوامة 🤎🌻

يوما ما ستخنقني كلماتي التي لم أبح بها

١٣/٩/٢٠٢٠

هل ينبغي علي الإنتظار حتى ديسمبر لتتحقق إحدى امنياتي ككل عام لدقائق قليلة.. لا أريد أن ابدو يائسة لكن الأمور فاقت تحملي وهشاشتي النفسية تزيد من الأمور سوءا..

الحياة قاسية وإجبار نفسك على التظاهر بالسعادة وأن كل شئ يسير بشكل رائع يتركك مع الكثير من التعقيدات..

متى تنقشع تلك العتمة ويخف ذلك الوجع الدائم بصدري وتهدأ تلك الأصوات داخل رأسي..

أخاف فقدان السيطرة يوما ما والسقوط من الحافة والغرق في ظلماتي دون أن يشعر أحد..

لكن إيه في أمل 🌻💚🤎

لنشرب إحدى اكواب الشاي بالنعناع لتهدئ من الأرق ونحارب به معاركنا النفسية وكل الهموم والأحزان 🌻

١١/٩/٢٠٢٠