Freedom?

Hindi ako sangayon sa Cybercrime Law. At oo, binasa ko ang Republic Act No. 10175 or The Cybercrime Prevention Act of 2012. Kahit ang sakit sa ulo. Habang binabasa, parang mas gusto ko nalang mag hugas ng pinggan o magtanggal ng split ends sa bulbol kaysa ituloy ang pagbabasa. Nakakatamad, sa totoo lang. Pero syempre, tinapos ko. Para alam ko kung anong irereact ko. Hindi naman masamang magreact sa mga gantong bagay e. Kasali naman tayong lahat dito. Dapat may alam ka. Dapat may pakialam ka. Pero bago ka mag react dapat alam mo talaga ang sinasabi mo. Hindi yung dahil trending e nakikiuso ka na rin.

Kung tutuusin, kahit papaano may magandang layunin naman ang batas na ito. Para protektahan tayo. Tayong gumagamit ng internet mula sa mga mapangabuso. Sa mga manloloko. Sa mga ginagamit ang internet sa masamang paraan. Ngunit, subalit, datapwat, may parte ito na sumasalungat sa Philippine Constitution, Article III, Section 4: “No law shall be passed abridging the freedom of speech, of expression, or of the press, or the right of the people peaceably to assemble and petition the government for redress of grievances.” Kaya nakakapagtaka kung bakit naipasa ang batas na ito. Hindi ba muna ito binasa ng mabuti ni Noynoy? Mas inuna niya kayang basahin ang formula para sa napapanot niyang ulo? O inuna ang lovelife? Napakadali makulong nowadays no? Sana ganun din kadali makahanap ng tunay na pagmamahal.

Ang sakit talaga sa balls nitong si Sotto. Proud pa siyang siya ang nag lagay ng libel part sa cybercrime law. Magaling ka na niyan? Wala ka ngang alam kundi mangopya at mag plagiarize e. Maghost ka nalang sa Eat Bulaga o kaya balik ka elementary! Mamili ka. Dapat siya ang ipakulong e. Ok so tama na, baka ikakulong ko pa ‘tong sinasabi ko. Loveyou tito Sen! Idol talaga kita.

Ang maganda dito ay sa kabila ng lahat, eto tayo, nagkakaisa.