معاناة مع العملاء؟

السلام عليكم ورحمة الله وبركاته

كل اللي جربوا احتراف التصميم أو الرسم مر عليهم أحد أنواع هذولي العملاء

العميل المتفيهم - العميل المتحير - العميل الجاهل

١- العميل المتفيهم

العميل اللي يحس أنه فاهم في شغلك ، ويحسسك أنه عنده خبرة أفضل منك رغم أنه العكس ، هذا يتعب المصممين والرسامين جداً لأنه ما يعجبه أي شيء ، يبي شيء معين في راسه الله أعلم وش هو !

في كثير من الأحيان هذا النوع من العملاء ممكن يفقدونك أعصابك ، حاول تكون هادىء وتقدم له أحسن ما عندك

٢- العميل المتحير

هذا أصعب نوع من العملاء ، لأنه ما يوضح ايش يبغى بالضبط ، وغالباً يرفض عملك في النهاية ، هذا حاول في البداية تاخذ منه كل المعلومات ، إسأله بلطف ايش يبغى بالضبط ، وخله يحدد اللي يبغاه ويحدد السعر بوضوح  ، لا تستعجل بتنفيذ طلبه خذ وقتك معه ، ولا تخليه يشوف العمل إلا في النهاية تماماً

» وخل في بالك أنه مع هذا ممكن يرفض طلبك

٣- العميل الجاهل

هذا العميل يعتقد أنك تمارس هوايتك وتتسلى ، وأنه موب مفترض يقدم لك شيء بالمقابل أو يقدم شيء بسيط وسعر رمزي ، طبعاً هذا النوع من العملاء الحل معه هو: لا تسوي له شيء أبداً ، إلا إذا كان خيري وتبي تكسب أجر

طبعاً مشكلة هذا النوع من العملاء أنك ما تكتشفه إلا بعد ما تضيع الكثير من وقتك معه بدون فايده ، لحل هذا الأمر حاول تحدد السعر معه من البداية عشان يحس أن المسألة جد ، وقتها هو رح يتركك ، أو يستحي ويعيد التفكير ويقرر يعطيك حقك

»  الموضوع الصغنون هو من رأيي  وخبرتي البسيطة ، ياليت تنبهوني للأخطاء فيه