Geschter hets es suuuuuuuper Z’Nacht gä! Drumm gitts dismau nid eifach es Fötäli sondern grad ds ganzä Rezäpt vor Marion Grillparzer (für 2 Personä).

Also. Mann nehme… 

  • Schnittlouch ä haubä Bund
  • Piuzä nach Luscht u Lunä, 200g
  • 2 Eier
  • 4 EL Miuch
  • 50g Dinkumäu
  • 100g Früschchäs
  • chli Mutschgetnuss
  • 1 EL Rapsöu
  • Pfäffer für diä wo nid so “anti-scharf” si wi ig ;-)

Schnittlouch wäschä u mit der Schäri i Röuäli schnipslä. Piuzä putzä (nid mit Wasser, sondern abbürschtä!) u i grobi Stück schnidä. 1 Ei trennä! (Ja numä ds eintä vo dä zwöi!) Ds Eiwiss mit chli Sauz stiff schla. Ds Gäubä u ds angerä Ei mit der Miuch, em Chäs, em Mäu u der Heufti vom Schnittlouch verquirlä (gitts da es bärndütschers Wort?). Sauz u Pfäffer dra, när ds Eiwiss süferli drunger ziä!

Öu ir Pfannä erhitzä, zersch Piuzä 4-5 Min abratä, mit chli Mutschgetnuss würzä. När der “Teig” über d Piuzä giessä u 7 Min bratä. So u itz entweder viertlä u cherä oder wärs cha (ig nid, aber macht bi däm Rezäpt grad garnüt!) ganz la u cherä! Nomau ca 5 Min brutzlä u när verzupfä u mit Schnittlouch servierä!

Ä Guetä!

Text
Photo
Quote
Link
Chat
Audio
Video