mertyl

Ansyen prezidan CSC/CA (Lakou Sipèryè dèkont ak kontansye administratif), Mèt Nonie H. Mathieu, enplike nan yon eskandal detounman fon nan enstitisyon sa.

Depi semenn nan te pwente, Luckner “Louko” Désir te kòmanse lage kèk enfòmasyon sou ka sa ki vin sekwe aktyalite a yè mèkredi a, ak nòt RNDDH la ki bay tout detay sou jan yon rezo eskanmòtè detounen tout lajan sa, san konte nominasyon ilegal anviwon 200 moun nan òganis leta sa.

Dapre RNDDH, Mèt Mathieu te pase kòmand materyèl biwo ak ekipman nan men de (2) antrepriz, America Supplies Distribution (Marie Yolène Mertyl) ak Professional Services and Decor (Ruth F. Hyppolite), men pa janm gen okenn livrezon ki fèt, paske anketè chache materyèl sa yo tankou zepeng titèt, men jouk jounen jodia, yo sable lage nan yon jwèt lago kache.

Men poutan, Mèt Nonie H. Mathieu voye tout fich livrezon yo bay ministè Ekonomi ak Finans pou kòb te ka debloke prese prese.

RNDDH di nan rapò li a, li pa fouti jwenn tras biznis sa yo, malgre li ale nan adrès ki sou papye Nonie Mathieu te bay yo (462, route de Delmas 58).

Antouka, ULCC jwenn enfòmasyon deja sou dosye sa. Nap ret tann!

Eskandal :37 milyon goud fè fon nan Lakou Dèkont Ansyen prezidan CSC/CA (Lakou Sipèryè dèkont ak kontansye administratif), Mèt Nonie H. Mathieu, enplike nan yon eskandal detounman fon nan enstitisyon sa.