lecer

10

Andaina por Oleiros (A Coruña), cos nosos amigos e os nosos pequrerrechos I (Outubro 2014)

Fin de semana en casa de Susana e Alejandro, e a verdade como se estivesemos na nosa. Sábado chuvioso aproveitando para charlar e polo serán aproveitando o cese da choiva de andaina polo sendeiro do Castelo de Santa Cruz. O domingo cun día espectacular nos fomos pola zona protexida de Dexo-Serantes, disfrutando de grandes paisaxes, escarpados cantís e un gran dique de cuarzo….fantástico!

Ligazón: http://www.ceida.org/costadexo/index.php

10

Andaina pola Xunqueira do Alba I (Setembro 2014)

Pequena saída pola Xunqueira do Alba, situadas ao carón do río Lérez. Pague a pena sairse da cidade do Lérez, para percorrer os sendeiros que podes atopar ao seu arredor, sobre todo pola ribeira do río. Tamén hai unha zona específica e vallada para ter os cans soltos.

O que máis me entusiasma é a tranquilidade que se respira.

10

Priscila peregrinando en Semana Santa_1

Durante tres días, disfrutamos esta Semana Santa, no Camping de A Vouga en Louro (Muros), da nosa cadeliña Xoa, e de estar en contacto ca natureza preto da praia, nunha zona marabillosa.

youtube

Marabilloso espectáculo visual o de Alburquerque, algún día acrcareime ata alí.

A Xunta destaca a importancia do lecer e do turismo na conservación do patrimonio marítimo

A Xunta destaca a importancia do lecer e do turismo na conservación do patrimonio marítimo
A conselleira do Medio Rural e do Mar, Rosa Quintana, acompañada polo secretario xeral de Cultura, Anxo Lorenzo, e a xerente da Fundación Centro Galego da Artesanía e do Deseño, Elena Fabeiro, presentou en Santiago o XII Encontro de Embarcacións Tradicionais, que se celebrará en Cabo de Cruz (Boiro) do 9 ao 12 de xullo. Durante a presentación a conselleira valorou a importancia do lecer e do turismo na conservación do patrimonio marítimo, xa que reforza o seu valor social e desenvolve recursos investidos na súa protección e recuperación.
Rosa Quintana sinalou que “falar de patrimonio marítimo é falar de saberes e das persoas que os crean e transmiten, é falar de mulleres e homes que nos achegaron a súa experiencia e saber facer” e apelou á necesidade de transmitir eses saberes para que non se perdan. Esa é un condición, dixo, sine qua non para poder levar a cabo a salvagarda do patrimonio. De feito, subliñou, o Encontro de Embarcacións Tradicionais “impulsa e promove esa cadea de acrecentar e transmitir, combinando un tempo de lecer co labor de recuperación e divulgación da nosa cultura marítima en cada un dos lugares que o acollen”.
Neste evento, salientou, a presenza da cultura marítima é intensa e extensa, con actividades nos eidos da poesía, literatura, artesanía, música, navegación, gastronomía e moitas outras que teñen no mar o seu punto de referencia. Por iso, para a Xunta “é tanto unha obriga como unha satisfacción apoiar unha vez máis unha actividade como este encontro”.
A titular de Medio Rural e Mar destacou ademais que, grazas á combinación de entidades colaboradoras e promotoras implicadas no traballo, hoxe o patrimonio marítimo é un elemento presente socialmente. Está recollido no Anteproxecto de Lei de Patrimonio Cultural de Galicia, que a Xunta de Galicia está a impulsar. Por último, a conselleira tivo palabras de agradecemento para as persoas e entidades que fan posible o Encontro de Embarcacións Tradicionais.

Por outra banda, o secretario xeral de Cultura referiuse ao encontro como “un evento de referencia da náutica tradicional que vimos apoiando e impulsando a prol do patrimonio cultural vinculado ao mar, unha riqueza que precisa da cooperación entre diferentes axentes para garantir a súa conservación, divulgación e posta en valor”.
Con estes obxectivos, a Consellería de Cultura e Educación, a través do Museo Massó de Bueu e do Museo do Mar de Galicia, promove diversas actividades vinculadas coa colección e preservación de embarcacións tradicionais, actividades didácticas de difusión social e a participación en xornadas de debate e estudo.
Ademais a Consellería de Economía e Industria tamén colabora un ano máis coa organización deste encontro, no marco do seu apoio ao oficio artesán da carpintería de ribeira, e impulsa ademais a celebración no marco do Encontro dunha Minifeira de Artesanía de Galicia na que participarán 10 artesáns de diferentes oficios e que se poderá visitar durante os catro días.

FONTE: http://www.xunta.es/notas-de-prensa/-/nova/3913/xunta-destaca-importancia-lecer-turismo-conservacion-patrimonio-maritimo