idol-ko-sya

youtube

Im her biggest fan. Once again, Rose Ann Tan.

This is when a programmer hits the note. ;)

My Toni Gonzaga Story - Ehm Rosales

Bata pa lang ako, super idol ko na sya. Grabe paghanga ko kay Toni, kasi sya yung nagpabago ng takbo ng pag iisip ko. Na kahit simpleng tao ka lang, basta may tiyaga at pangarap ka, makakamit mo iyon basta desidido ka.

Mga grade 6 ako, lahat ng mga papel na makikita ko na may litrato niya, ginugupit ko, kahit kaliit-liitan pa yan, ididikit ko sa aparador namin. Tapos, kakanta ako ng kanta niyang “Kapag Tumibok ang Puso” gamit yung suklay namin. F na F ko pa yung kanta, kasi feeling ko, ako siya. Hehehehe Para nga daw ako sira sabi ng mga tita ko.Kapag nakikita ko si Toni sa TV, sabi ko, “Magiging kagaya mo ako pag laki ko, Toni. Promise!” Naging pangako ko yan sa sarili ko. Hindi naman yung literal na pagiging artista, kung hindi ay ang pagiging isang matagumpay na indibidwal. Hindi ko alam bakit sa dami ng artista, siya talaga yung nakapukaw ng damdamin ko na gayahin. Para kasing may bumubulong sa akin na kapag siya ang tinularan ko, mapapabuti ako. Siguro, si God yun. Hanggang sa mapunta na sya sa ABS-CBN, mas lalo akong natuwa kasi, mas nabigyan siya ng malalaking break. Mas napatunayan niya sa lahat ng tao sa buong mundo yung talento niya sa pagho-host, pagkanta,pag arte, pag sayaw at iba pa. I really admire her nung kinanta niya yung “We Belong”, na naging theme song ng korea nobelang “Wonderful Life” sa ABS-CBN. Kakalipat nya lang yata nun sa ABS eh.. Sobra talaga …. Para akong timang na paulit-ulit kinakanta yun. Simula nun, sabi ko, “Theme Song ko kay Toni yan! Hehe” Kaya everytime na kantahin niya yun, yung kilig ko abot hanggang langit. Tapos, tuwang-tuwa ako nung nagkaron siya ng teleseryeng “Crazy For you” kasama si Luis Manzano saka si Pokwang. Kasi, gabi gabi mapapanood ko siya, at bago ako matulog, masaya ako kasi, siya yung nakita ko. Hehehe. Sabi ko, galing talaga ng Idol ko! Hanggang sa nagkaron na siya ng “Maging Sino Ka Man”, “PBB”, mga Movies. Sabi ko, “di ako nagkamali ng hinangaan”.

Nagkaroon siya ng noontime show dati na “Happy Yipee Yehey!” Kasama sina John , Randy, Pokwang, John Prats, etc.,  Nagkaroon ako ng pagkakataon na makapanood sa studio kasama ang aking pamilya. Pumila kami noong una, nagbaka sakali kami na makapasok, kaso hindi pinalad. Kaya nagpa schedule kami for studio tour para lang masuportahan nila ako na makita si Toni. Tandang tanda ko pa ang petsa. Thursday, April 27, 2010. Nung entrance pa lang nila, nanginginig na ako. Di ko alam gagawin ko. Nanlalamig ako, di ako mapakali, kasi ang number 1 idol ko, makikita ko na in person!!!!! Nung tinawag siya at pumasok na sa stage, “and Toni Gonzaga ……!” gusto ko umiyak sa sobrang saya! Na at last, sa tagal ng panahon, ngayon, nakita ko na siya!!  Naluluha ako sa saya, pero nagpa-tuloy kami sa pagkanta ng themesong ng HYY. Sabi ko, “Thank you for this opportunity Lord God”. Habang naka air ang HYY, at siya ang nasa stage, hindi ako halos kumurap para lang makita ko siya ng diretcho. Yung walang patid? Sobra talaga saya ko nun. Malapit na matapos yung programa, meron silang nilalaro, nakalimutan ko na yung title, pero yun yung may kulay na dilaw at pula. Lumabas si Toni, nkasuot ng vest  na Yellow. Nasa yellow team pla siya. Sabi ng tita ko, “Neng, tawagin mo si Toni! Magpa-picture tayo! Idol mo yan diba?” Sabi ko, “Ayoko. Nahihiya ako sa kanya. Okay na sakin yung makita ko siya kahit sa malayo. Masaya na ako dun.” Sabi ng tita ko, “Hindi pwede yan! Samantalahin mo na habang andito ka! Saglit, tatawagin ko.”Tinawag niya si Toni! Hindi pa lumilingon, kasi inaayusan siya. Sabi ko sa tita ko, “Sige, ako ang tatawag…” Huminga ako ng malalim, sabay sigaw, “TONIIIIIIIIIIIIIIIIIII!” Surprisingly, LUMINGON SIYA! Take Note! LUMAPIT PA!!!!!!!!! Grabe ang kabog ng puso ko!!! Kinakabahan ako! Hanggang sa makalapit siya samin, nka ngiti … Napaka ganda niya! Napaka amo ng mukha. Parang anghel ba? Di ako nakapag salita agad… Nasabi ko na lang bigla, “Pa-picturepo.” Tumango siya. Grabe yung feeling ko ng tinabihan niya ako at yumakap sa bewang ko! At nakahawak din ako  sa bewang niya! Myyyyyyy Goooooooood! Totoo ba ituuuuuu? Shocks! Di ako makahinga sa sobrang tuwa. Wala na akong mahihiling talaga nung araw na yun! Super blessed talaga yung araw na yun para sakin. Hanggang sa maka uwi ako, ayoko palabhan yung damit na sinuot ko. Hahaha Kasi, may kamay ni Toni yun eh. Niyakap nya ako…. Hindi ako makatulog nun. Pinagyayabng ko sa mga kaibigan ko yung naging experience ko nung araw na makita ko si Toni. Yung resibo ng binayaran namin, yung pin ng studio tour, lahat nakatabi pa sa akin. Ayoko itapon. Remembrance ko yun eh. Ang saya saya ko talaga.

Kapag pumapasok ako, nadadaan ako sa Divisoria. Malapit kasi yung office na pinag O-OJT-han ko doon. Nakikita ko lage yung napaka laking billboard ni Toni sa building ng KP Tower. May Mcdonald’s Branch kasi dun eh. Grabe, BUONG BUO NA ANG ARAW KO!!! Para akong timang, nangingiti mag-isa. Hahaha Tapos, kapag dumadaan ako dun, kahit sinong kasama ko, lagi ko sinasabi. “Im’ flattered .. I’m so proud…. Ang laki ng picture ko….I didn’t imagine that I will reach this top.”Hahaha Binabatukan na lang ako ng mga kaibigan ko eh. Ang line nila, “Oo na Ehm… Nangarap ka na naman….” Hahahaha :D Basta, lahat ng Mcdonald’s Branch na makikita ko yung picture niya, sa NLEX, sa Malls, or kahit sa karinderya, yun lagi ang line ko… Hehehehe Feeler nga ako diba? Basta, super talaga pagka-adik ko sa kanya. Kahit antok na antok na ako, nung pinalabas sa TV yung concert niya last Oct. 4, 2014, naku! Kulang na lang, tumambling ako wag lang antukin, kasi ayoko mapalampas yung episode na yun. Di ko na nga napanood live eh. Di ko na mapapatawad sarili ko pag di ko pa din napaood kahit sa TV lang.

Love na love ko talaga siya… And no words can express kung gaano kalaki ang respeto at paghanga ko sa kanya bilang isang artista at bilang isang indibidwal.

Isa pang bagay na nagpatibay ng paghanga ko sa kanya ay yung pagsunod niya sa magulang. Lagi niya sinasabi sa lahat ng interviews niya na sa pagsunod niya sa mag ito, naging matagumpay siya. At nakasama niya yung lalaking worth it sa paghihintay niya. (Direk Paul). Saka yung Faith niya sa Diyos na nkakapagpatibay sa kanya sa lahat ng mga pangyayari sa buhay.

Last 2012, sila ni Alex Gonzaga yung naging cover ng YES! Magazine, featuring their very beautiful house in Taytay. Bumili ako nung Magazine na yun, kasi gusto ko makita yung kabuuan ng magiging dream house ko. Hehehe Oo, dream house. Kasi sabi ko nga diba, idol ko siya, at siya yung gagawin kongpattern para kamitin lahat ng pangarap ko. Si Toni Gonzaga yung nagbibigay lakas ng loob sakin. Nagbibigay ng pag-asa, ng pangarap na walang katapusan. Siya yung nagiging litrato ko ng tagumpay, na kapag siya yung tinularan ko, lahat positibo!

Isa lamang akong simpleng mamamayan dito sa Tondo na nangangarap na makita siya. Kasama ko ang aing lola, tita at pinsan. Lagi ko sinasabi sa kanila kung gaano kalaki ang paghanga ko kay Toni. Tapos, sinasabi ko sa kanila, pagdating ng araw, pag marami na ako pera, lahat gagawin ko para mapasaya sila. At maranasan ang sarap ng buhay. Lagi nila sinasabi nila sa akin, “butina lang, siya (Toni) ang in-idol mo.”Sobra saya ko kapag naririnig ko yun mula sa kanila. Sa ngayon, hindi ko pa kaya mabili lahat ng albums nya, di ko pa kaya mapuntahan ang lahat ng concerts at mall shows niya, pero ipinapangako ko sa sarili ko na makatapos lang ako, lahat yan hindi ko papalampasin. Everything has a right time to make it happen. God will never leave you, as long as you believe in Him.

Sa bawat araw na dumadaan, sa bawat araw na kakausapin ko ang Diyos, palagi ako nagpapasalamat sa pagbibigay nya sa akin ng magandang impluwensya na mula kay Toni. Hinihiling ko na lagi nya ako gagabayan sa lahat ng mga desisyon na gagawin ko araw araw, upang mapagtagumpayan ko ang aking mga pangarap. Ganun din ang pagdarasal ko na sana ay lagi niya gagabayan ang nagsisilbing gabay ko at idolo ko na si Toni, na gabayan siya sa lahat ng kanyang gagawin, ganun din ang kanyang pamilya.

Sa ngayon, 4th year college na ako. Graduating, at sinisimulan na ang aking OJT. Pinapangarap ko na makapag trabaho sa ABS-CBN pagka-graduate ko. Lahat gagawin ko para lang maging parte ng ABS-CBN Family. At patuloy na sumusuporta sa nag iisa kong idolo na si Toni Gonzaga.

Hi Ate Tin :) Sana po, makita kita ulit sa personal. Sobra nkaka-starstruck pag kaharap kna. Parang ayaw ko na matapos ung oras na nakikita kita. Thank you po kasi ikaw ung isa sa mga nagsisilbing inspiration ko sa lahat ng goal ko sa buhay. Ate Tin, kahit ano po mangyari, Forever Toni Gonzaga ako. Thank you po! Iloveyou so much po! God Bless you and your whole family!

I am Ehm Rosales and this is #MyGonzagaStory

Straight

Bago kami ayusan kanina, sinabi ko.. "Good luck sa mag-aayos ng buhok ko." Mahirap kasi syang kulutin. Ewan ko ba, pinanganak akong kalbo pero ang kapal kapal ng buhok ko ngayon. Ehem.. Buhok lang, hindi mukha. Kaya tuwang-tuwang-tuwa ako nung na-kulot syaaa. Gravity, idol ko na si Atsi. Sya lang kasi yung kauna-unahang nakayos ng buhok ko. HAHA! Kahit na panay ang reklamo nya habang kinukulot ako.

"Girl, yung buhok mo, buhok na ng tatlong tao.."

"San ka ba nagpapa-gupit?"

"Sinong hair stylist mo?"

"Taga saan ka ba?"

Yung iba di ko na maintindihan kasi kapampangan na may halong gay-lingo. Haha! Kilala pala nila si Oliver. Mwehe. Si Oliver kasi yung naggugupit sakin simula nung fetus palang ako. Lewl jk. Simula nung elem pa lang ako :) Di ko pa nata-try magpa-gupit sa iba kasi hiyang na ng buhok ko yung kamay nya.

Wala lang, gusto ko lang i-blog yung pag-kulot ng buhok ko. Galing e. Hahaha! Perstaym. Ge, review nako. Pre-board namin bukas, baka maloka na naman ako sa mga questions.

Laters baby ;)

My Toni Gonzaga Story - Donna Michelle Villero

Di ko talaga alam, di ko maalala paano ba talaga nagsimula lahat. Basta alam ko noong bata pa ako nakikita ko si Toni sa TV, naririnig ko yung kanta nyang Catch Me at We Belong na gustong gusto kong kinakanta non. Alam ko non gustong gusto ko ring nanonood ng Wazzup wazzup dahil tuwang tuwa ako kay Toni. Kahit sa iba pang mga palabas na nandun sya, naaalala ko lagi nya akong napapatawa. Pero hindi naging espesyal para sakin yun, siguro dahil bata pa ako at hindi pa alam ang pagfafan. Basta alam ko lang dati kung sino makita kong artista, kung sino marinig kong singer at nagustuhan ko yung kanta nya e idol ko na sya. Kaya sabi ko nun idol kita. Pero iba pala ang fan ka talaga.

Isang araw nakita ko yung trailer ng Starting Over Again. Ewan ko ba. Parang hinatak bigla ng TV yung mata ko na panoorin yung buong trailer. May parteng yun ng trailer na para bang gusto akong paiyakin. Tapos bigla ko nalang naisip na gusto ko syang panoorin sa sine. Sabi ko kay mama ilibre nya ako. Pero hindi nya ako inentertain at pinabayaan ko nalang rin dahil alam ko namang di sya mahilig manood sa sine ng mga local movies. Pero simula nung napanood ko yung trailer, na-LSS ako sa kantang Starting Over Again at tuwing kinakanta ko sya ay gusto ko ring umiyak. Dahil sa di ko mapigilang emosyon ay pinilit kong maghanap ng paraan para makapanood. Nung napanood ko sya, dun ko unang naranasang lumuha dahil sa palabas. Parang nararamdaman ko yung sakit na nararamdaman ni Ginny. Doon ko naramdaman ulit sa buhay ko ang isang Toni Gonzaga.

Hindi ako mahilig tumutok noon sa PBB pero natuwa ako nung nabalitaan kong pumasok si Alex at nagulat si Toni kasi nung makita ko yung video parang may iba. Basta parang napapasaya ako ni Alex at syempre ni Toni sa mga reaction nila. Nainspire ako at lalo ko syang hinangaan nung makita ko kung gaano sila kaclose ni Alex at gaano nila kamahal ang isa’t isa. Nagsimula na akong nood nang nood ng PBB at ng mga video nya sa youtube.

Isang araw, dahil nga sa pagka-LSS ko sa SOA ay naghanap ako nun sa youtube na version ni Toni at ang tangi kong nakita ay ang Prod nila ni Piolo sa ASAP. Pagkatapos kong mapanood yun, marami pa akong nakitang videos ni Toni; mga interviews etc. Tapos tawang tawa ako sakanya. Sabi nga nun ng mama ko para daw akong timang pero basta alam ko masaya ako.
Hanggang isang araw nabalitaan kong may bago syang Album. Tapos nagguest sya sa UKG, MOR at marami pa. Dahil MOR lang ang swak sa oras ko ay nakinig ako. At tawang tawa ako. As in! Dun ko unang narinig yung Awit ni Ginny na unang basa ko pa lang ng brief na lyrics ay nagustuhan ko agad. Gawa nya pala yun.

Sa guesting nya non sa MOR ay nalaman kong may Grand Album Launch sya sa Eastwood. Ang layo layo nun samin. Kaya nawalan ako ng pag asa. Di ko naman kasi alam na uso pala yung Album Tour dahil wala talaga akong alam sa mga ganyan. Pero nung nakita kong may Album Tour na syang nakaschedule, nagwish ako kay God na sana sa malapit din samin. Pero nawalan ako ng pag asa kasi feeling ko konting araw nalang concert nya na non kahit dalawang buwan pa naman talaga. Sabi ko baka hindi na sya umabot samin. So ginive up ko na. Tapos isang araw nalaman ko sa twitter na may FanSwap si Toni. Di ko nun alam kung ano yun kasi di ako nakakapanood ng ASAP kasi di sila nanonood sa bahay. Pero sinubukan kong gumawa kasi iniisip ko, pag nanalo ako makikita ko na sya sa personal. Dinrawing ko sya sa isang malaking illustration board Kaso kinapos ako sa oras. Di ko natapos dahil hindi naman ako ganun kagaling na gumuhit, lagi akong discontented dun sa gawa ko. Friday ang deadline nun pero hindi ko natapos. Nanghina ako. Pagkauwi ko nung araw na yun galing school, nanghihinayang ako sa pagkakataon. Pero pagkabukas ko ng FB ko, nakakita ako ng ilang post ng page nya. At nalaman kong may Album Tour sya kinabukasan sa Mall na sobrang lapit lang samin. Napatalon ako nun sa tuwa. Ginrant ni God yung wish ko, ang problema wala akong pera nung panahon na yun dahil di ako makapag ipon. Di ko kasi expected yun. Tapos di ako makahingi ng tulong sa mama ko dahil galit sya sakin nun. Pero kinabukasan nun, Sabado, araw ng Album Tour nya malapit samin, papunta na akong school non para sa MTAP class ko, pero di ko na kayang galit si mama nun sakin kaya pinilit kong magkaayos kami bago ako umalis. Hindi dahil sa may gusto akong hingin kundi dahil mahal ko sya at ayoko nang galit sya. Nung nasa school ako, iniisip ko nun, nanghihinayang ako dahil alam kong di na ako makakapunta sa Album Tour. Pero pag uwi ko, nagulat ako nung pinaligo ako ni mama at pinagbihis. Pupunta daw kaming Album Tour ni Toni! Nagulat talaga ako at abot langit ang ngiti ko non! Sobrang saya ko! Isang malaking advance gift siguro sakin yun ni Lord!

At pumunta nga kami. Pero nung nandun ako, di ko alam paano ako gagalaw. Basta nakita ko sya noon. Nasa stage sya. Ang ganda ganda nya. Nastarstruck ako. First time ko sa ganon. Wala akong alam. Pagkatapos nung signing na, hindi ko parin alam paano ako magrereact. Nung nakatabi ko sya, hindi ako nakapagsalita. Naspeechless ako. Di ko sya nakausap. Sayang! Hindi ko alam bakit ako nagkaganun pero alam ko masaya ako nun. First time ko syang makita sa personal, nalapitan ko pa. Nagulat lang siguro ako. At sa sobrang nagulat ako sa mga pangyayari, pati yung CD na binili namin ni Mama, naiwan dun sa mesa. Epic Fail pero masaya!

Tapos ilang araw pagkatapos ko syang makita sa personal, nagkaron kami ng Project sa Art. Painting sya. Walang ibang pumapasok sa utak ko nun kundi ang mukha nyang hindi ko natapos idrawing dun sa illustration board para sa FanSwap. At yun nga ang ginawa ko non. Unang beses kong natapos ang project ko sa Art ng walang ibang tumutulong sakin. Proud ako nun sa sarili ko at siguro dahil na rin yun nainspire ako ni Toni. Kaso pakiramdam ko hindi mo kamukha yung gawa ko. Pero natuwa ako kasi nung dinala ko sya sa school, wala pa akong sinasabi kung sino ang nasa gawa ko ay naisip na nila agad na baka si Toni yun.                                                                            

Doon nalaman ng marami kong kakilala na fan pala ako ng isang Toni Gonzaga, dahil sa gawa ko. At isang araw, dalawang araw bago ang kaarawan ko ay may nakita akong isang picture sa FB. Picture ng mga kaklase ko. Diredirecho lang ako dapat ng scroll pero may nahagip ang mata ko noon. Ang hawak ng kaibigan ko (seatmate ko). Alam kong yun ay ang Cover ng Starting Over Again. Kahit hindi ko malinaw kung ano talaga yun, basta SOA. Nakaramdam ako ng sobrang saya. Unang pumasok sa isip ko ay “Wow! Sinusuportahan nya rin ba si Ate Tin?” Nagulat kasi ako lalo’t alam kong hindi sya mahilig sa mga local artists. Pabalik balik kong tinignan ang picture at inusisa pero di ko talaga malinaw kung ano yun. Hanggang sa biglang pumasok sa isip ko na baka regalo nya yun sakin sa birthday ko. At mas lalo akong natuwa noon kahit alam kong may posibilidad na umasa lang ako. Umasa parin ako.

Pero nung kaarawan ko ay nalaman ko na ngang para sa akin iyon na isang DVD ng SOA. At sobrang tuwang tuwa ako noon. Feels like I’m Wokinoner! Basta! Haha! At nalaman kong nakuha nya lang yun by chance. Nabunot nya lang yun dun sa something basta sa The Voice AXN. Yung mga kasama nya daw sa pinakailalim pa bumunot pero alkansya lang ang napanalunan. Sya na sa ibabaw lang bumunot, yun ang napanalunan. Siguro sinadya yun ni Lord! In God’s will. At sobrang saya ng birthday ko dahil dun. May pirma pa yung DVD. Iyak nakoooo. Perooo basta masaya parin!

And to my Ate Tin, Domo Arigatou! Salamat sa pagpapasaya samin. Salamat sa mga words of wisdom mo. Salamat sa pag-inspire sakin. Hindi mo siguro alam gaano ako kasaya ngayon. Basta masaya at dahil sa’yo yun. Ikaw ang magiging role model ko at hamon ko sa sarili ko na kapag nagpakabuti na talaga ako, saka lang ako pwedeng sumali sa fansclub mo. Basta Ate Tin, mahal na mahal kita! Sobrang mahal! Sana magtagal ka pa sa industriya pero kung ano man ang magiging desisyon mo ay susuportahan parin kita! Basta tandaan mo lagi Ate na maraming nagmamahal sa’yo at marami kang napapasaya sa ginagawa mo. Continue to be an instrument of God. May the Lord God shower you with more blessings! Always smile no matter what! And I hope to see you again soon. SANA! 💕💓💘💗💖💝💞💛💜 Lahat na ng puso! Basta I love you Ate Tin! Ingat ka palagi!

I am Donna Michelle Villero and this is #MyToniGonzagaStory 

{Twitter: @AnonymousDMP}