ballkan

Në Ballkan, princërit mesjetarë janë bërë yje të mediave. Nuk ka shesh në Ballkan pa një princ mesjetar, hipur mbi kalë dhe me shpatën e zhveshur të ngritur lart, drejtuar nga fqinjët armiqësorë. Kuajt qëndrojnë vetëm në këmbët e prapme, përderisa me të parat sikur duan të ngjiten qiellit.
—  Fadil Lepaja, Këmba e thyer e mbretit Dragutin
(S)i ka mundësi që kjo fabrikë – më e madhja në Ballkan – qenka ngritur pikërisht në kohën kur është maxhoranca në pushtet, madje një maxhorancë që i ka shpallur luftë botërisht drogës. Kësaj i shtohet edhe pyetja: nëse është e vërtetë se rrjeti e ka kryer aktivitetin më parë jashtë, siç thuhet në disa medie, fakti që tani vendosën ta zgjerojnë në Shqipëri, a nuk të bën të dyshosh se kanë pasur një garanci më të madhe, pikërisht pse janë afër apo edhe sponsorë të kësaj maxhorance – siç pretendon edhe opozita? U shtohen këtyre pyetjeve edhe disa informacione lidhjesh farefisnore, miqësore apo të biznesit të një pjese të këtyre njerëzve me pushtetarë socialistë. Shtohet gjithashtu edhe një pyetje, që është ngritur së fundmi: në një kohë që Policia dhe Prokuroria mburren që kanë mbajtur sekretin, si shpjegohet që kanë ndërhyrë që të nesërmen e ditës kur është zbuluar laboratori (13 janar), ndërkohë që ta do mendja se për të zbuluar bashkëpunëtorët e rrjetit në dogana e kufi apo edhe pritësit në Gjermani do të duhej të ndiqej i gjithë trafiku? A mos vallë ndërhyrja me kaq shpejtësi është bërë për të mbuluar gjurmët e kokave më të rëndësishme?
E pra, nëse gjysma e parë e ngjarjes të bën të shpresosh, gjysma e dytë të bën të dyshosh se ose operacioni është kryer për shkak të presionit të gjermanëve dhe është dështuar me qëllim duke mbetur te peshqit e vegjël, ose që brenda socialistëve ka grupe rivale që kërkojnë të kontrollojnë këtë “biznes”, ose që brenda maxhorancës ka një pjesë që kërkon sinqerisht ta luftojë këtë të keqe dhe një pjesë tjetër që kërkon ta mbajë në pushtet dhe ta zhvillojë.
—  Fatos Lubonja, Dilemat e operacionit antidrogë